Menu
> >>>Shqiptaret dhe shtetformimi nder pashalleqet
Shqiptaret dhe shtetformimi nder pashalleqet View larger

Shqiptaret dhe shtetformimi nder pashalleqet

Dora D' Istria ZEN0301

New product

Përshkrim i shkurtër

Dora D'Istria, si njohëse e mirë e kulturës, traditave, historisë dhe etnografisë së popujve të Ballkanit, por dhe si një veprimtare e spikatur në fushën e letrave europiane të gjysmës së shekullit XIX për evidentimin dhe njohjen e çështjeve etnike ballkanike që bulëzonin nën suazën e Perandorisë Osmane, - me këtë punim mbi gjendjen politike të shqiptarëve në periudhën e gjysmës së dytë të shekullit XVIII dhe dekadave të para të shekullit XIX, shënon një kontribut të vlertë edhe në lëndën historiografike.

More details

1 Item

Warning: Last items in stock!

Detaje të librit

Shtëpia Botuese

Zenit
ISBN9789928293411

1 000 Lekë

Si të blej?

Shto në listën e librave që dua

Porosit me një klik

Share

30 other products in the same category:

More info

Nëse në historiografinë bashkëkohore shqiptare etapat historike analizohen dhe vlerësohen sipas parimit të rolit të masave në zhvillimet historike, përkundër në këtë punim filli përçues i trajtimit historiografik është roli i protagonistëve individualë që marrin përsipër të kryejnë kthesa të mëdha historike në jetën politike të një populli. Dhe nëse kjo etapè e historisë së Shqipërisë spikat me veçoritë e saj të individualitetit politik mbi faktorët e tjerë ballkanikë, kjo i detyrohet pikërisht rolit të drejtuesve politikë që dolën në skenë në këtë hark kohor, pra dinastisë së Bushatlive dhe Ali Pashë Tepelenës.

 

Fragment nga teksti:

Duke u rrekur të kuptojmë natyrën e Aliut, gjë thelbësore në një shtet ku sovrani është gjithçka dhe ligji asgjë, përpiqemi të mësojmë atë çka duhet menduar për qeverisjen e tij.

Fizionomia e Aliut ka diçka të mirë që më kot do të kërkohej tek personazhet e shquar të cilët përfaqësuan Shqipërinë pas vdekjes së Kastriotit të madh (Skanderbeg): del nga mjegulla që qarkon të tjerët dhe që nuk lë të krijohet një ide e plotë mbi ta.

Nëse nuk mund të përfitonte prej përvojës së njerëzve më të mëdhenj me anë të librave, përkushtohej përherë që të studionte shpirtin e njeriut dhe të njihte saktësisht shkaqet që mund ta vinin në lëvizje atë.

Shpesh habitemi kur gjejmë në shkrimet e mistikëve, mjaft pak të arsimuar, një psikologji eksperimentale të thellë, dhe një zgjuarësi të veçantë politike tek priftërinjtë që merren vetëm me udhëheqjen e shpirtërave. Aliu kishte mësuar ashtu si ata të njihte dhe të sundonte njerëzit duke i studiuar me durim të mahnitshëm.

Një studim i vëmendshëm i natyrës shqiptare arrin të pajtojë një antinomi që nuk ngjan më pak turbulluese se ato të Kantit. Shqiptari, më i veçanti ndër arianët, nuk parapëlqen autoritetin fetar ndaj gjithë të tjerëve, por është lindor dhe njeri i Jugut; prandaj jepet pas impresionesh të pështjelluara ndjenje fetare që quhen bestytni dhe nuk përbëjnë një sistem besimesh si në fetë e rregullta.

Dhe sigurisht i duhej të gjallëronte projekte aq pak në përputhje me traditat vetjake dhe me zakonet e një vendi, ku të gjithë, i madh e i vogël, i druhen shumë më pak anarkisë se varësisë. Në të vërtetë sistemi i qeverisjes i praktikuar nga ai kishte në themel tolerancën fetare, përzierjen e racave,mbrojtjen e klasave punonjëse, përqëndrimin që zëvendësonte rregullin e fisit.

Toleranca e Aliut nuk ishte megjithatë rrjedhojë e ndikimit të një shekulli që bëri shumë për të garantuar fitoren e lirisë së ndërgjegjes. Por shqiptarët, veçanërisht toskët, ia nënrendojnë krejtësisht fenë politikës

Data sheet

Lloji i botimitHardcover
pages173
ISBN9789928293411
Shtëpia botueseNuova antologia di scienze, lettere ed arti firence
Published year2023
Vendodhja e botimitTirane
GjuhaShqip
Tipi i publikimitLibër
Grupmosha e leximitOver 14 years old
StatusiI ri
Numri i botimeveI parë
PërkthyesiQemal Velija
I ri1

Libra të rinj Shiko më shumë >>