Lufta e paqes

Këtë libër e shkrova për shokët e mi, që ranë në Bagdad. I kisha ndeshur gjatë jetës sime, por veçanërisht në Ballkan. Ishte një ekip aq i mrekullueshëm! Një grup burrash e grash, që vinin nga të gjitha vendet, të gjitha besimet, por që kishin të përbashket dëshirën për t'iu sjellë pak më shumë ëmbëlsi të mallkuarve të kësaj bote. Gjatë dy vjetëve, nga Kosova në Irak, luftuan dhëmb për dhëmb për t'u sjellë një jetë pa vrasje, një jetë me më pak urrejtje këtyre popujve, që Historia, prej shekujsh, i kishte hedhur në përleshje. Pata privilegjin të punoja me këta militantë të botës, me këta "luftëtarë të paqes". Kur i kujtoj, them: jo, nuk e kemi humbur betejën. Ne kemi patur fatin e madh ta duam njëri-tjetrin. Pranë tyre, kuptova se, mes humanizmit të rinisë sime dhe cinizmit, me të cilin jam përplasur shpesh, ka vend për politikë." Bernard Kushner