Drama e shprehjes : tre libra ne nje : ese

Libri "Drama e shprehjes", përmban tridhjet ese. Në thelb autori rreh probleme të mprehta estetike për letërsinë dhe procesin krijues. Libri është konceptuar në tri libra. Në të parën hidhet një vështrin eseistik për pesëmbëdhjetë autorë të njohur të letërsisë shqipe. Në librin e dytë, Pirro Loli rreh probleme të një grushti poetësh dhe estetësh të rangut botëror, duke u mbështetur në kryeveprat e tryre. Libri i tretë ka të bejë me një vështrim të ri të procesit krijues të letërsisë moderne. Në Parafjalën e librit (nga poeti Stefan Martiko) lexojmë: Pena e Pirro Lolit i ngjan një shpate të mprehur mirë për një betejë jo të zakontë letrare. Ai shkon sa te Prusti te Xhojsi, te Kafka e Poe e tek autorë të njohur shqiptarë. Ai që ka në fokus letërsinë të cilën e sheh si pronë të mendjes njerëzore, e cila duhet pushtuar. Ky krijues që si asnjë tjetër në letrat shqipe, e le të hapur mendjen e vet për të gjykuar tërë botën letrare njësoj si Frymën e njeriut për të qënë përherë në pritje të prurjeve të reja letrare. Sepse letërsia si vlerë që atij i intereson, mund të gjendet gjithkund, në çdo vend e popull, si një kumt i thellë njerëzor që i ka zhbërë kufijtë, për arsyen e thjeshtë se Njeriu mbetet përherë burim i pashtershëm i një letërsie që nuk le mendje pa pushtuar.