Menu
> >>>Shkenca dhe disa shkencetare te shquar
Shkenca dhe disa shkencetare te shquar View larger

Shkenca dhe disa shkencetare te shquar

Niko Gjeçi TO0119

New product

Përshkrim i shkurtër

Libri është i ndarë në dy pjesë: në të parën paraqitet shkëputja e njeriut nga bota shtazore dhe, në të dytën përfshihen 52 tregime në të cilat flitet shkurt rreth jetës, veprimtarisë, botimeve dhe zbulimeve shkencore më të rëndësishme të 54 shkencëtarëve më të hquar që nga antikiteti e deri në ditët e sotme.

More details

2 Items

Warning: Last items in stock!

Detaje të librit

Shtëpia Botuese

Toena
ISBN9789994319787
Viti i botimit2014

1 000 Lekë

Si të blej?

Shto në listën e librave që dua

Porosit me një klik

Share

30 other products in the same category:

More info

Në shkencë, ashtu si dhe në veprimtaritë e tjera të njeriut, çdo arritje apo rezultat konkret nuk fillon nga hiçi, por rrjedh nga një trashëgimi.

“Shkenca dhe disa shkencëtarë të shquar” përfshin shpikjet dhe dijet e ndryshme që njeriu ka realizuar qysh nga antikiteti e deri në ditët e sotme, të cilat janë aq të shumta e të larmishme sa, pa e tepruar, mund të thuhet se janë të panumërta.

Libri është i ndarë në dy pjesë: në të parin paraqitet shkëputja e njeriut nga bota shtazore dhe, në të dytin, përfshihen 52 tregime, në të cilat flitet shkurt rreth jetës, veprimtarisë, botimeve dhe zbulimeve shkencore më të rëndësishme të 54 shkencëtarëve më të shquar që nga antikitetit e deri në ditët e sotme.

Të gjitha shpjegimet dhe trajtimet e ndryshme që përfshihen në libër lidhur me zbulimet shkencore dhe shpikjet e ndryshme janë bërë duke u mbështetur në të vërteta historike.

Shpikjet e ndryshme, pavarësisht nga shfaqja dhe përhapja në kohë e hapësirë e tyre, janë tregues të zhvillimit dhe përparimit të jetës në përgjithësi. Ndonëse shpikjet e para për një kohë shumë të gjatë qenë mjaft të thjeshta e primitive, në të vërtetë edhe ato ishin e mbeten dëshmi të rrugës së zhvillimit që kaloi njerëzimi gjatë historisë së vet mijëravjeçare.

Shpikjet dhe dijet kanë histori mijëravjeçare. Ato filluan të shfaqen qysh në lashtësinë e hershme, ose, siç shprehen historianët, në paleolitin e hershëm, për të vazhduar në paleolitin më të vonë (në mezolit), mandej në neolit dhe kështu duke vazhduar pa ndërprerje. Pra, shpikjet, ashtu si dhe dijet, kanë kaluar rrugë të gjatë e të vështirë në zhvillimin e tyre: nga kanalizimet për vaditje dhe përmendoret egjiptiane e babilonase deri tek energjia bërthamore, te lazeri, fluturimet kozmike e shumë të tjera.

Merita kryesore për çdo zbulim shkencor apo shpikje i takon, pa dyshim, autorit (autorëve) përkatës, pasi çdo zbulim ose shpikje nuk është vetëm produkt i imagjinatës, inteligjencës dhe punës plot pasion, por edhe produkt dhe rezultat i dijeve të nxjerra nga përvoja jetësore e akumuluar nga brezi në brez dhe me karakter empirik.

Shkenca është sistemi i dijeve të krijuara historikisht, saktësia e të cilave vërtetohet dhe thellohet në procesin e veprimtarisë së përditshme të njerëzve, prandaj autori iu vu një pune sa voluminoze po aq dhe interesante për të treguar se nëpërmjet shkencës dhe veprimtarisë praktike të përditshme, njeriu fiton dije teorike të domosdoshme dhe objektivisht të vërteta. Shkenca është një sistem logjik parimesh, ligjesh, kategorish dhe hipotezash të lidhura midis tyre në formën e një tërësie komplekse, që pasqyron realitetin objektiv dhe që është vazhdimisht në zhvillim. Teoritë dhe zbulimet e reja e pasurojnë shkencën, duke krijuar mundësi për zgjerimin e zbatimit të saj më në gjerësi e thellësi.

 

 

Data sheet

Lloji i botimitHard Copy
pages400
ISBN9789994319787
Shtëpia botueseToena
Viti i botimit2014
Vendodhja e botimitTirane
GjuhaShqip
Tipi i publikimitLibër
Grupmosha e leximitmbi 18 vjeç
StatusiI ri
Numri i botimeveParë
Përmasat16.5x23

Libra të rinj Shiko më shumë >>