Doktrina e Fashizmit

Në serinë e mendimit filozofik dhe politik të kësaj shtëpie botuese - ku janë përzgjedhur vepra dhe autorë që qëndrojnë në themel të mendimit klasik europian dhe kanë pasur ndikim të ndjeshëm edhe në ecurinë e këtij qytetërimi, - është përfshirë edhe Doktrina e fashizmit e autorëve Xhentile-Musolini. Ky traktat i shtjelluar në mënyrë sintetike përbën boshtin teorik të një lëvizjeje dhe realiteti politik që pati një rol të rëndësishëm në historinë politike europiane të gjysmës së parë të shekullit 20, dhe shpjegon frymën dhe shtratin ideor ku gjeti themelësinë e saj ajo praktikë politike që u sendërtua në një regjim autoritar, e që përbën mjerisht sot e kësaj dite një lëndë më së shumti të shfrytëzuar në zhargonin publicistik e propagandistik, duke iu shmangur analizave racionale të mendimit.