Enciklopedi e historise se botes 1

Që nga muzgu i parahistorisë dhe nga zanafilla e historisë njerzore, kanë dalë shumë qytetërime, të cilat kanë arritur kulmin e shkëlqimit për të filluar pastaj parabolën zbritëse të rënies; dhe ndikimi i tyre ka qenë kushtëzuar nga pozicioni i tyre gjeografik.
Vetëm sot, kur të gjitha caqet e tokës së banueshme janë eksploruar, kur shkenca po e njehson botën nga pikpamja teknologjike, kur planeti ynë është i rrethuar nga orbitat e satelitëve, kur aeroplanët, raketat, radiot pothuaj i kanë zhdukur të gjitha largësitë, ne mund të zbulojmë, në dritën e së kaluarës, skicat e para të një qytetërimi të ardhshëm të botës.
Pikërisht acarimi i mendimit për të patur një mbizotërim kombëtar, të cilin europianët e kishin ngritur deri në shkallë botërore, duke hapur kështu horizonte të mëdha, si për veten e tyre ashtu edhe për popujt që vareshin prej tyre, e humbën atë epërsi e cila për një kohë të gjatë dukej sikur nuk do të ndryshonte.