Menu
> >>>Fjalor Sociologjik, Oksford
Fjalor Sociologjik, Oksford View larger
Pjesë nga libri

Fjalor Sociologjik, Oksford

Gordon Marshall DK0020

New product

Përshkrim i shkurtër

Ky fjalor është një përpilim tërësisht i ri, i shkruar nga një ekip sociologësh të shquar. U drejtohet atyre që janë deri diku fillestarë në këtë disiplinë.

More details

This product is no longer in stock

Detaje të librit

Shtëpia Botuese

Botimet IDK
ISBN978 99956 668 2 8

3 000 Lekë

Si të blej?

Shto në listën e librave që dua

Porosit me një klik

Share

30 other products in the same category:

More info

Ky fjalor është një përpilim tërësisht i ri, i shkruar nga një ekip sociologësh të shquar të një prej departamenteve të sociologjisë nga më të rëndësishmit në Europë. U drejtohet atyre që janë deri diku fillestarë në këtë disiplinë.Për ta thjeshtuar përdorimin e këtij fjalori, brenda tekstit janë shmangur format e shkurtuara. Yllthi (*) i vendosur përpara një fjale në një përkufizim tregon se në atë rubrikë mund të gjendet informacioni i mëtejshëm përkatës. Disa nga zërat vetëm e adresojnë lexuesin tek një zë tjetër, duke treguar, kësisoj, që ato janë sinonimike, ose që shpjegohen më mirë në një artikull më të gjatë të fjalorit, së bashku me termat që lidhen me to. Si rregull, emrat e shoqëruar me nga një cilësor mund të kërkohen në rubrikat e shënuara me cilëndo nga këto fjalë; kështu, p.sh., "bërthamë, familja" shënohet gjithashtu me titullin "familja bërthamë". Në të gjithë artikujt kryesorë, si dhe në shumë nga më të shkurtrit, përmendet të paktën një nga burimet bibliografike që do t'i jepte lexuesit mundësi ta ndiqte literaturën përkatëse në mënyrë të pavarur. Të tilla referenca do të ishin me interes qoftë për lexuesit amerikanë, qoftë për ata britanikë, sado të dallueshme nga njëra-tjetra historitë e zhvillimit të kësaj disipline në këtody vende dhe ndonëse disa nga zërat i shpien lexuesit e njërit dhe tjetrit breg të Atlantikut në drejtime paksa të ndryshme. Sociologjia ka një thelb teorik të qartë, por një perimetër krejt të papërcaktueshëm. Mesa duket, kjo përbën një nga avantazhet kryesore të kësaj fushe, duke qenë se lehtëson studimin e problemeve me karakter të mirëfilltë ndërdisiplinor -ku përfshihen pothuajse të gjitha çështjet sociale, në mos të gjitha. Prandaj dhe sociologët kanë shumë gjasa të ndeshen me terminologjinë e ekonomisë, të psikologjisë apo të antropologjisë. Kjo është dhe arsyeja pse fjalori përmban mjaft zëra që kanë të bëjnë me disiplina fqinje, por që do të jenë të dobishme edhe për studiuesin e sociologjisë. Vitet e fundit, fjalorët e sociologjisë kanë përfshirë një sasi gjithnjë e më të madhe zërash që u kushtohen skicimeve të shkurtra biografike të autorëve bashkëkohorë nga kjo disiplinë, edhe pse më së shpeshti këta zëra nuk japin më tepër sesa ditëlindjen, lidhjet institucionale dhe një listë të shkurtër botimesh. Përligjja e kësaj praktike nuk është kurrsesi e vetëkuptueshme, përderisa të tillë fjalorë kanë për synim të shërbejnë si udhërrëfyes të përmbajtjes dhe terminologjisë në këtë fushë, e jo si lista me shënime mbi ata që e lëvrojnë. Veç asaj, gjatë kërkimeve paraprirëse për këtë fjalor, doli se ishte praktikisht e pamundur të arrihej një konsesus ndërmjet kolegëve lidhur me ata që janë "sociologët më të mirë bashkëkohorë", deri diku për shkak të karakterit të larmishëm të vetë kësaj fushe. Prandaj, ky fjalor përfshin emra vetëm në ato raste ku vetë personat e përmendur janë bërë tema sociologjike -më së shumti në sajë të ndikimit të tyre në zhvillimin e mëtejshëm të kësaj disipline.

Data sheet

ISBN978 99956 668 2 8
Published year2009
Vendodhja e botimitTirane
GjuhaShqip
Tipi i publikimitLibër
PërkthyesiBashkim Shehu

Libra të rinj Shiko më shumë >>