Profecia e Romanoveve

Të gjitha siguritë e Majlsit përsa i përket historisë "zyrtare" të familjes perandorake vihen në dyshim. Duke kërkuar të vërtetën, ai shndërrohet në shënjestrën e një ndjekjeje të pamëshirshme , ku nuk do të ketë më zgjedhje tjetër përveçse t'i shkojë deri në fund hetimit të tij dhe të zbulojë enigmat e shumta që veshin me mister vdekjen e Romanovëve. Komente mbi librin "Veprimi emocionues, enigma që të përpin të tërin dhe mjedisi i mahnitshëm e bën këtë libër vepër që ia vlen ta lexosh." Library Journal "Intrigues... i madhërishëm... Ka mister, gjendje të ankthshme, emocione të forta... Libër ku shkrihen më së miri faktet me letërsinë." Dayton Daily News Mbi autorin Steve Berry është autori i shumë romaneve bestseller të Neë York Times-it. Karrierën e nisi si avokat por pas viteve '90, i shtyrë nga dy pasionet e tij të mëdha, historia dhe rrëfimi, iu kushtua shkrimit të romaneve dhe tregimeve. Ai u bë i njohur në mbarë botën dhe fitoi një famë të padiskutueshme me romanet Sekreti i Tretë dhe Dhoma e qelibartë. Profecia e Romanovëve është romani i tij i tretë në gjuhën shqipe. Librat e tij janë përkthyer në dyzet gjuhë dhe botuar në pesëdhjetë e një vende të botës. Jeton në Florida.