Menu
> >>>Revista Business Mag Nr. 30
Revista Business Mag Nr. 30 View larger

Revista Business Mag Nr. 30

New Media Communication NM0010

New product

Përshkrim i shkurtër

Ne numrin 30 te revistes Business Magazine vijne disa nga artikujt me te mire nga bota e sipermarrjes, marketingut digjital, menaxhimit, dhe zhvillimit personal. Artikulli kryesor i perkushtohet Ermal Mamaqit si sipermarres dhe se fundi si autor i librit per zhvillimin personal “Ne gare me veten”

More details

11108 Items

Detaje të librit

Shtëpia Botuese

Viti i botimit2022

500 Lekë

Si të blej?

Shto në listën e librave që dua

Porosit me një klik

Share

24 other products in the same category:

More info

Një sërë aktivitetesh në fushën e biznesit kanë synuar të nxisin iniciativa të reja, të krijojnë sinergji edhe mundësi për sipërmarrjet akuale. Kjo erdhi kryesisht falë dy faktorëve: Shpalljes së Tiranës Kryeqyteti Europian i Rinisë për këtë vit dhe rrjedhimisht zhvillimit të disa programeve të posaçme, ndërkohë që në nivel kombëtar ndikoi hapja e programit për mbështetjen me grante të startupeve dhe lehtësuesve nga Ministria e Mbështetjes për Sipërmarrjen.

Në numrin 30 të revistës vijnë të pasqyruara evente, aktivitete dhe zhvillimet më të rëndësishme ekonomike të Shqipërisë.

Asnjëherë si këtë vit, nuk ka pasur kaq shumë evente, trajnime apo programe dedikuar sipërmarrjeve inovative.

Kompeticione ku lindin dhe zhvillohen ide, të rinj që  punojnë për të sjellë në jetë një produkt në inkubatorët e bizneseve, konferenca frymëzuese, trajnime  edukuese dhe lançime librash motivues për të përcjellë energji shpërthyese se gjërat mund dhe duhet të ndryshojnë.  

Jemi përpjekur të mbulojmë dhe të trajtojmë një pjesë të mirë të tyre në këtë numër 30 të Business Mag, si media dedikuar sipërmarrjes, inovacionit dhe zhvillimit personal dhe profesional.

Megjithatë, ajo që rrëmbeu kopertinën tonë në këtë edicion ishte publikimi i librit “Në garë me veten”, nga Ermal Mamaqi. Një libër me fokus vetëzhvillimin, bazuar te përvojat personale të Ermalit dhe te mësimet e nxjerra prej tyre. 

Në intervistën e zhvilluar për Businessmag, ai tregon rreth arsyeve të shkrimit të këtij libri, objektivave të tij dhe qëndrimit ndaj reagimit të një pjese të audiencës.  “Në garë me veten” do të ofrohet në shitje në ofertë, së bashku me këtë numër të Business Mag. Ndaj ju ftojmë të skanoni kopertinën e fundit të revistës, për të marrë informacionin përkatës.

E ndërsa këto zhvillime pozitive na japin shpresë, në këtë numër të revistës vjen një panoramë e gjerë e zhvillimeve në tregun imobiliar, i cili ka shënuar rritje të theksuara çmimesh dhe ka ende nevojë për rregulla dhe standarde në transaksione.

Turizmi është një prej pikave tona të forta dhe ne e sjellim me një histori suksesi nga Berati. Vendi ynë po përballet me sfida lokale e ndërkombëtare njëkohësisht. Edhe pse njoftimet për vende pune mbeten të afishuara gjatë në vitrinat e sipërmarrjeve të ndryshme, sipërmarrja e turizmit në Berat po ia del.

Businessmag është e orientuar të shohë pozitivisht. Emigracioni është patjetër një çështje që duhet trajtuar seriozisht, por ne jemi krenarë kur shqiptarët shkëlqejnë jashtë. Për këtë arsye kemi sjellë disa intervista me persona të suksesshëm nga diaspora. 

Duket se rritja e angazhimit është kundërpërgjigjia më e mirë ndaj situatave delikate. Ndërsa çmimet po rriten në mënyrë të theksuar, një angazhim më i madh i individëve, sipërmarrjeve, organizatave dhe qeverisë mund të jetë kundërpërgjigjia më e mirë.

“Brenda secilit ka një potencial të madh dhe arsyeja e vetme pse ne nuk e shfaqim, është sepse nuk luftojmë që ta nxjerrim në pah atë”, – Ermal Mamaqi.

Ndaj, edhe ne tek BusinessMag besojmë se secili prej nesh duhet të bëjë hapin e tij, lëvizjen e tij të rradhës, për t’u angazhuar, për t’u zhvilluar, për të ndryshuar dhe rrjedhimisht për të pëmirësuar gjithçka që e rrethon. Ju faleminderit që po lexoni këtë revistë!

Data sheet

Lloji i botimitPaperback
pages120
Viti i botimit2022
Vendodhja e botimitTirane
GjuhaShqip
Tipi i publikimitRevistë
Grupmosha e leximitmbi 14 vjeç
StatusiI ri
Numri i botimeveI parë
I ri1

Libra të rinj Shiko më shumë >>

Libra të tjerë të autorit