Menu
> >>>Tigri i bardhe
Tigri i bardhe View larger

Tigri i bardhe

Araving Adiga BD0317

New product

Përshkrim i shkurtër

Tigri i bardhë i dha shkrimtarit indian Aravind Adiga çmimin Man Booker Prize për letërsinë. Ketë çmim ai ua kushton njerëzve të Nju Delhit. Romani vjen në formën e një serie letrash të shkruara natën vonë nga Balrami, djali më i zgjuar i fshatit, drejtuar Wen Jiabo-s, kryetarit të Këshillit të Shtetit të Republikës Popullore të Kinës, ku i përshkruan ngritjen e tij të menjëhershme nga origjina shumë e ulët e deri në pozicionin aktual si sipërmarrës në Bangalore, si dhe pikëpamjet e tij për sistemin e kastës indiane dhe korrupsionin politik.

More details

502 Items

Detaje të librit

Shtëpia Botuese

Dudaj
ISBN9789994302260

1 100 Lekë

Si të blej?

Shto në listën e librave që dua

Porosit me një klik

Share

30 other products in the same category:

More info

Balram Halwai është Tigri i Bardhë, një titull që e ka fituar duke qenë djali më i zgjuar i fshatin të tij, një komunitet në thellësi të Errësirës së Indisë rurale. Balrami është i biri i një tërheqësi karrocash; familja e tij është shumë e varfër dhe ai nuk ka mundësi ta mbarojë shkollën, kështu që i duhet të punojë në një çajtore dhe të pastrojë tryezat gjithë ditën e ditës. Përmes këtyre përvojave, Balrami merr shumë mësime për botën dhe më vonë kupton se rrugët e Indisë i kanë dhënë atij gjithë shkollimin e nevojshëm. Me pas, Balrami nuk e lë ti ikë rasti fatlum, që i shfaqet kur një burrë i pasur e punëson si shofer dhe e merr të jetojë në Delhi. Qyteti është një zbulim i madh për të. Teksa shëtit shefin e tij me makinë nëpër qendra tregtare, papritmas e mrekullisht Balrami bëhet i vetëdijshëm për mirëqenien, pasurinë e pakufishme dhe mundësitë që shfaqen përreth tij, por ndërkaq e kupton se ai vetë nuk do të gjejë kurrsesi ndonjë hapësirë në atë botë magjike. Dhe Balram luhatet në këtë dyzim dhe kupton se ka vetëm një mënyre që ai të bëhet pjesë e asaj Indie të re xixëlluese. Ky libër erdhi si pasojë e përvojës sime pas kthimit në Indi. U rrita në Jug, por u ktheva në Veri (Delhi), pasi kisha jetuar në Australi dhe kisha studiuar letërsi angleze në Columbia University në Nju-Jork dhe Oxford University. Kam jetuar jashtë nga mosha 15 deri 28 vjeç. Pastaj, në vitin 2003, u ktheva në Indi për të punuar për revistën Time. Aravind Adiga Komente mbi librin "Në këtë libër ka lindur një muzë e re në letërsi, që ka ndërmend të mos lërë të flejë njerëzimin në globalizim e sipër...ka ngjyrë të kafenjtë, është plot maraz, e shkëlqyer, gjysmë e arsimuar, rustike - urbane, shkatërrimtare, e shkrirë në fjalë magjike - dhe në rastin e Aravind Adigës kjo muzë buron nga një qytetth i quajtur Laxmangarxh. Ky është zëri i njëmendtë i një Bote të Tret, siç nuk e keni ndier kurrë. Adiga është një Gorki global, një Kipling modern, i cili u rrit, por u rrit çmendurisht. E ardhmja e romanit gjallon pikërsiht në këtë vepër." John Burdett, autor i librit "Bangkok 8" "Ndryshe nga pothuajse çdo roman indian që mund të keni lexuar në vitet e shkuara, ky roman që të merr frymën, përshfaq një tjetër portret të pazbukuruar me xhingla, të errët e të inatosur të një vendi, i parë nga fundi i llumit; nuk ndihet asnjë pikë arome shafrani apo tingëllimë sari gjëkund...Balrami vetë është një figurë aq tërheqëse...por edhe më impresionuese është esenca e jetës indiane që zbulon Adiga - korrupsioni, sistemi i klasave, ligësia pa kufij..." Andrew Holgate, "The Sunday Times" (Londër) "Brenda flluskës së iluzioneve të mëdha të një Indie "në zhvillim", Aravind Adiga zbulon një subjekt që edhe vetë Gogoli do t'ia kish pasur zili. Me një inteligjencë therëse, të pamëshirshme e plot shije të hidhur, Tigri i Bardhë, anatemon babëzinë e pafund të të pasurve aty, evokon po ashtu, me një kujdes dhe detaj të përsosur rraskapitjen e përditshme e po aq të babëzitur të të dëshpëruarve të mjerë" Pankaj Mishra, autor i librit "Joshja e Perëndimit" "Një larje hesapesh pa kompromis për çështjen "India e sotme", si dhe një ulërimë e thekshme kundër padrejtësive aty. Adiga hyn në skenën e madhe të letërsisë i armatosur deri në dhëmbë, gati për betejë dhe gati për pushtim - le t'i ngjitemi gna pas." Gary Shteyngart, autor i librave "Absurdistan" dhe "Manual i rusit debutues"

Data sheet

pages328
ISBN9789994302260
Published year2011
Vendodhja e botimitTirane
GjuhaShqip
Tipi i publikimitLibra
Numri i botimeveI parë
PërkthyesiAlba Kokalari

Libra të rinj Shiko më shumë >>