Menu
> >Hollywood
Hollywood View larger

Hollywood

Charles Bukowski A-004047

New product

Përshkrim i shkurtër

“Hollywood” shpërfaq gjithë jetën e shfrenuar mes yjeve të kinemasë, botën e tyre hipokrite, por edhe përpjekjet e mëdha njerëzore për të realizuar projekte te të cilat ke besim.

More details

501 Items

Detaje të librit

Shtëpia Botuese

PEGI
ISBN9789928310002

1 000 Lekë

Si të blej?

Shto në listën e librave që dua

Porosit me një klik

Share

30 other products in the same category:

More info

Sikur dikush t’i kishte thënë Henri Çinaskit se një ditë do të shëtiste me një BMË të hatashme, mes bulevardeve të Hollivudit, apo që do ta shoqëronin me një limuzinë, në premierën e filmit, skenarist i të cilit do të ishte ai, me siguri do t’i ishte përgjigjur: “ Plako, paske pi’ shumë.”

Në romanin “Hollywood”, Henri Çinaski, alteregoja e Bukowski-t, tashmë i famshëm, ftohet të përshtatë në skenar filmi një libër të tij gjysmëautobiografik. Me shumë dyshime, ai pranon dhe sakaq bëhet pjesë e vorbullës së quajtur Hollivud, me paradën e pafund të personazheve eksentrike e të përkëdhelura: producentë, artistë, aktorë, regjisorë dhe gazetarë.

Në këtë botë, ideali artistik i librit dhe i filmit ka humbur për shkak të parasë dhe Çinaski mezi arrin të ndjekë ritmet e çmendura të jetës hollivudiane. Romani bazohet në përvojën e vërtetë të Bukowski-t si skenarist i filmit “Barfly”.

Me stilin e tij realist dhe të ftohtë, Bukoëski çjerr maskën e përciptë të botës së spektaklit, makutërinë pas parasë dhe hipokrizinë e shkëlqimit të rremë.

Te “Hollywood”, plaku i ndyrë Bukowski është në gjendjen e tij më të kthjellët. Romani është plot me sharje, seks dhe alkool. Megjithatë, ndërmjet gjithë këtyre, ai gjen momente të vërtetash për gjendjen njerëzore.

Kritika

Bukowski vëzhgon absurditetin e skenave kalimtare me syrin e stërvitur të një spektatori të teatrit grotesk dhe nuk ka iluzione se mund të bjerë më poshtë se kaq në jetë.

The New York Times

“Hollywood” është një roman tërheqës dhe elegjiak, poeti e hedh vështrimin te këmbëngulja dhe pashmangshmëria e Ëndrrës Amerikane. Në Amerikë, po punove fort, po e lërove atë arën metaforike, po e bëre punën tënde, atëherë suksesi është i sigurt.

Los Angeles Times

Si në gjithë romanet e Bukowski-t, edhe “Hollywood” është i mbushur me emocione të vërteta, vlerësime të ndershme dhe një prozë therëse, të pakompromis e pa mediokritet.

Dactyl Review

Fragmente nga libri

1) Njerëz të tjerë ishin ngjitur lart. Me sa dukej, askush nuk kishte ikur. Ç’kishte atje për të qëndruar? Kontakte? Mundësi? Ç’vlerë kishin? A nuk ishte më mirë të mos bëje pjesë në atë biznes? Jo, jo. Kujt i pëlqen të jetë kopshtar ose shofer taksie? Kujt i pëlqen të jetë llogaritar? Artistë a nuk ishim të gjithë? A nuk ishim më të zotë se aq? Më mirë të vuaje kësaj rruge, sesa tjetrës. Të paktën dukej më mirë.

2) Vizioni im kryesor në jetë ishte të shmangia sa më shumë njerëz të ishte e mundur. Sa më pak njerëz shihja, aq më mirë ndihesha.

3) Gratë nuk ishin të bukura dhe burrat nuk ishin interesantë. Boshllëk bosh. Dhe boshllëku, në fakt, ishte i dhimbshëm.

4) Një njeri që dikur kishte dashur të ishte i lumtur, tani dukej sikur kishte humbur dy ushtarë që në fillim të lojës së shahut, pa krijuar asnjë avantazh.

5) Ndoshta po prisnin që të bëhesha tapë dhe të shkalloja e të tregohesha i dhunshëm, siç më ndodhte ndonjëherë nëpër festa. Por dyshoja. Ata ishin bosh brenda tyre, asgjë më shumë. Nuk kishin ç’të bënin tjetër, veçse të rrinin me veten e tyre, që, në fakt, nuk ndodhej atje. Nuk ishte shumë e dhimbshme ashtu. Vend i butë për të ndenjur.

Data sheet

Lloji i botimitPaperback
pages246
ISBN9789928310002
Shtëpia botueseHollywood
Published year2019
Vendodhja e botimitTirane
GjuhaShqip
Tipi i publikimitLibër
StatusiI ri
Numri i botimeveI parë
PërkthyesiIris Sojli
RomanPsikologjik
I ri1

Libra të rinj Shiko më shumë >>

Libra të tjerë të autorit