Menu
> >>>Dashuri ne kohen e komunizmit
Dashuri në kohën e komunizmit View larger

Dashuri ne kohen e komunizmit

Bessa Myftiu BD0010

New product

Përshkrim i shkurtër

Në Shqipërinë komuniste dashurinë e vrisnim, e thernim me thikë, e asgjësonim. Sapo të kishte hedhur çapat e parë, e ekzekutonim me të gjitha mjetet. Edhe unë kisha bërë të njëjtën gjë.” Këtë temë prek Besa: Tri gra, tri rrëfime, tri ngjarje që rrokullisin kohë, muaj e vite në hollin e një aeroporti. Anila, Diana dhe Monda zbërthejnë dashurinë në komunizëm

More details

500 Items

Detaje të librit

Shtëpia Botuese

Dudaj
ISBN9789994304288

1 000 Lekë

Si të blej?

Shto në listën e librave që dua

Porosit me një klik

Share

30 other products in the same category:

More info

Thanë për librin

Diana Çuli, shkrimtare

Besa Myftiu ka zgjedhur të rrëfejë tri histori, të tria për tri gra shqiptare që takohen një natë në aeroportin e Fiumicino-s, një natë kur nuk nisen avionë, një natë e destinuar për rrëfime të ngeshme. Anila, Diana dhe Monda tregojnë jetët e tyre, dashuritë dhe pengjet e tyre. Por, libri nuk mbetet deri këtu, ndryshe nuk do të quhej origjinal dhe i papritur. Nuk është i papritur vetëm për teknikën, për stilin, për frymën pezull që të mban subjekti, për karakterizimin e personazheve. Është i tillë, veçanërisht, sepse Besa Myftiu shkon deri në thellësitë më të imta të shpirtit njerëzor, në detaje, në luhatje, në dritëhije dhe zbardhëllima të vështira pas periudhash të errëta. Edhe në kritika dhe opinione të mëparshme, po edhe në vetë pohimet e autores, ky roman thyen disa tabu të shoqërisë shqiptare, po edhe të shoqërive të tjera në botë, siç janë marrëdhëniet incestuale, tradhtitë bashkëshortore, marrëdhëniet e ndërlikuara mes prindërve dhe bijave e bijve të tyre, etj. Dhe, Besa Myftiu nuk e “thyen tabunë” duke përshkruar skena seksi, që do të ishte mjeti më i lehtë dhe i përshkruar nga cilado qenie njerëzore, pa qenë nevoja të jetë shkrimtar, por duke diskutuar peshën e tyre shoqërore dhe individuale në formimin e një njeriu, të një gruaje, të një burri, të një të reje…marrëdhëniet e vështira që burojnë nga tabu të tilla shoqërore, të cilat rëndojnë jetën e njeriut. Një prej shkrimeve të kritikes letrare dhe shkrimtares Astrid dë Larminat, që ka rubrikë letrare në Le Figaro littéraire, për librin e Besa Myftiut Dashuri në kohën e komunizmit shkruan, midis të tjerash: “Ka diçka shekspiriane në këtë roman të autores Besa Myftiu, shqiptare me banim në Zvicër, që shkruan në gjuhën frënge. Ajo e mban fillin e historisë në dy duar, njëra e marrë dhe tjetra e mençur, duke harmonizuar mrekullisht të papriturat befasuese me realizmin e tablosë së ndjenjave dhe forcën e emocioneve(…)Ngaqë dinë ta përdorin me seriozitet dhe lehtësi armën e humorit, personazhet e këtij romani triumfojnë mbi dëshpërimin. Ato e kanë kuptuar tashmë se gëzimi është pjellë e dhimbjes, se dashuritë tragjike mund të jenë shumë të bukura dhe se asgjë nuk është aq e tmerrshme sa duket…”.

Nuk ka nevojë për komente të shumta pas këtyre radhëve. Një mesazh sa më përgjithësues? Që vlera e një vepre letrare qëndron gjithnjë te kuptimëria e saj universale.

Astrid De Larminat,  Figaro

…Ka gjithashtu diçka shekspiriane në këtë roman të autores Bessa Myftiu, shqiptare me banim ne Zvicër që shkruan në gjuhën frënge. Ajo e mban fillin e historisë me dy duar, njëra e marrë dhe tjetra e mençur, duke  harmonizuar mrekullisht të papriturat befasuese me realizmin e tablosë së ndjenjave dhe forcën e emocioneve. Nuk ka aspak moralizim në historitë e saj, por disa të vërteta të pakundërshtueshme burojnë prej tyre. Për shembull, që shpesh ne e vendosim vetë veten në situata pa rrugëdalje. Që sedra e sëmurë dhe dashuria nuk shkojnë mirë bashkë.  Që s’ndahemi kurrë nga asnjë dashuri, veç mësohemi të jetojmë pa të. Ngaqë  dinë ta përdorin me seriozitet dhe lehtësi armën e humorit, personazhet e këtij romani triumfojnë mbi dëshpërimin. Ato e kanë kuptuar tashmë se gëzimi është pjellë e dhimbjes, se dashuritë tragjike mund të jenë shumë të bukura dhe se asgjë nuk është aq e tmerrshme sa duket…

Data sheet

pages208
ISBN9789994304288
Shtëpia botueseDUDAJ
Published year2015
Vendodhja e botimitTirane
GjuhaShqip
Tipi i publikimitLibër
StatusiI ri
Numri i botimeveI parë
PërkthyesiBlerta Hyska

Libra të rinj Shiko më shumë >>

Libra të tjerë të autorit