Anita Bitri - Nje meteor ne qiellin e kenges shqiptare

. . . Kur zbriti në aeroportin “Nënë Tereza”, e ndjeu menjëherë se këtu nuk e kishte harruar askush. Sapo kaloi gardhin e procedurave të zakonshme, Anita u përballë me një interesim të madh të shtypit të shkruar dhe atij televiziv, që sigurisht ishin shtuar.

Atë mbrëmje, thuajse të gjitha kanalet televizive dhe radiot do ta emetonin lajmin e kthimit të Anita Bitrit, si një ngjarje kulturore në vend.

Ishte e tëra si në ëndërr, për këtë mall e respekt të vendit të saj. E pati ëndërruar çastin e zbritjes në tokën ku kishte lindur, por kurrsesi jo me këtë pritje. Fytyra i rrezatonte gëzim e lumturi . . .