Menu
> >>>Neser ne beteje mendo per mua
Neser ne beteje mendo per mua View larger

Neser ne beteje mendo per mua

Javier Marias BD0449

New product

Përshkrim i shkurtër

Te Nesër në betejë mendo për mua, Marías na jep një roman të shkruar sipas modelit të prozës filozofike që e hasim te Marcel Proust dhe Henry James Krahas kësaj, na jep një panoramë historike dhe vetjake, tituj filmash dhe emra politikanësh, duke u shfaqur një shkrimtar i një lloji krejt tjetër. The LondonReview of Books

More details

2 Items

Warning: Last items in stock!

Detaje të librit

Shtëpia Botuese

Dudaj
ISBN9789928176110

1 200 Lekë

Si të blej?

Shto në listën e librave që dua

Porosit me një klik

Share

30 other products in the same category:

More info

Nesër në betejë mendo për mua, e cila është vepra më e njohur e Javier Marías-it, dhe e dyta që po i vjen në dorë lexuesit shqipfolës, shfaqet në trajtën e një kameleoni rrëfimtar, duke i rrëshqitur paq çdo përpjekjeje për ta ndryrë brenda një gjinie të vetme. Kështu, për shembull, nga disa lexues, Nesër në betejë mendo për mua mund të perceptohet lehtë si një lloj pastiche pasmoderniste dhe një perceptim i tillë mundësohet nga vetë fragmentarizmi rrëfimtar, sintaksa plot thyerje, individualizmi paraqitësor dhe skepticizmi këmbëngulës me të cilin është mbrujtur vepra; nga disa të tjerë mund të perceptohet po aq lehtë si një roman i kujtesës dhe një perceptim i tillë mundësohet nga vozitja e herëpashershme në të shkuarën përmes monologut dhe flukseve të ndërgjegjes apo nga vozitja e vetë të shkuarës në të tashmen e rrëfimtarit përmes asaj dukurie që në faqet e kësaj vepre emërtohet si magjepsje, duke u përafruar mjaft ndjeshëm me prurjet e njohura proustiane; nga të tjerë lexues mund të perceptohet po aq lehtë si metaroman dhe një perceptim i tillë mundësohet nga përfilljet e herëpashershme të rrëfimtarit rreth artit të rrëfimtarisë, rreth natyrës dhe burimit të saj, ku Marías-i luan me të dyja kuptimet e termit relato, atij të rrëfimit, në domethënien letrare të fjalës, dhe kallëzimit, qoftë edhe në domethënien juridike të fjalës; nga të tjerë lexues mund të perceptohet si një roman filozofik dhe një perceptim i tillë mundësohet nga prania e vazhdueshme e temave dhe e çështjeve filozofike, të tilla si e vërteta dhe e pavërteta, e drejta dhe e padrejta, kujtesa dhe harresa, thelbi dhe kuptimi i kohës etj., pa anashkaluar idetë e njohura platonike. Lista e perceptimeve në fjalë mund të shtrihej më tej, nëse marrim parasysh praninë e elementeve të tjera të bollshëm në roman, nga ato të horrorit dhe dramatikes, deri tek ato të feuilleton-it, të jetës dhe të zakoneve shoqërore etj. Njëlloj si në rastin e Don Kishotit apo romanit spanjoll dhe klimës poetiko-letrare të viteve kur Marías-i nisi veprimtarinë e tij letrare klimë e përfaqësuar nga romanet e Eduardo Mendoza-s, Carmen Martín Gaite, Francisco García Pavón-it, Camilo José Cela-s, Juan Benet-it, Juan José Millas-it, Antonio Muñoz Molina-s etj Nesër në betejë mendo për mua është tërë sa më sipër dhe njëherazi, dhe jo herë kështu dhe herë ashtu. Dhe është pikërisht një kompleksitet i këtillë, që jo vetëm e kthen në një pjesë të spikatur të traditës së romanit spanjoll, por e shpalos përpara lexuesit si një vepër magnetike. Shkëputur nga Pasthënie e librit Nesër në betejë mendo për mua. Çfarë shkruajnë për librin dhe autorin Te Nesër në betejë mendo për mua, Marías na jep një roman të shkruar sipas modelit të prozës filozofike që e hasim te Marcel Proust dhe Henry James Krahas kësaj, na jep një panoramë historike dhe vetjake, tituj filmash dhe emra politikanësh, duke u shfaqur një shkrimtar i një lloji krejt tjetër. The LondonReview of Books Stilist, i ftohtë e mendjemprehtë Marías-i është një talent befasues The NewYork Times Javier Marías është një nga shkrimtarët që meriton çmimin Nobel. Orhan Pamuk Një shkrimtar i madh. Salman Rushdie Pa dyshim, shkrimtari më i arrirë i Spanjës së kohëve tona. Roberto Bolaño

Data sheet

pages384
ISBN9789928176110
GjuhaShqip
Tipi i publikimitLibra
Numri i botimeveI parë
PërkthyesiShpetim Doda

Libra të rinj Shiko më shumë >>

Libra të tjerë të autorit