Menu
> >>>Memento Mori
Memento Mori View larger

Memento Mori

Alket Çani ODE0002

New product

Përshkrim i shkurtër

Memento mori, që në shqip do përkthehej “kujtohu që je i vdekshëm”, është vëllimi më i ri poetik i Alket Çanit. Mbresa udhëtimesh, tëhollime të detajuara metrike të vargëzimit, krisje formale, si dhe përkthime nga autorë të mëdhenj të poezisë botërore, të cilat përkojnë me atmosferën e përgjithshme të librit, - janë pjesë e këtij vëllimi poetik të Alket Çanit. Tashmë ato lundrojnë në mendjen e lexuesit me plot shije dhe mjeshtri poetike, ndërsa autori thotë se krijesat e veta tashmë i duken të mjegullta.

More details

4 Items

Detaje të librit

Shtëpia Botuese

Odeon
ISBN9782954139999

500 Lekë

Si të blej?

Shto në listën e librave që dua

Porosit me një klik

Share

30 other products in the same category:

More info

Ja ç’thotë autori rreth këtij vëllimi poetik: “Pjesët përbërëse të këtij libri janë të ndryshme për nga forma, stili dhe mënyra e konceptimit. Poezitë e pjesës së parë kanë lindur pak a shumë, nga përshtypje udhëtimesh; ato të pjesës së dytë, nga aspekti formal, respektojnë rregullat metrike; e treta, në raport me dy të parat, është si një thyerje, si një krisje, ndërsa poezitë e pjesës së katërt janë përkthime, që i kam përfshirë në këtë libër kryesisht ngaqë më duket se i shkojnë përshtat atmosferës së tij të përgjithshme. Elementin e përbashkët të katër pjesëve mendoj se e shpreh titulli i librit. Por gjithkush mund të gjejë edhe elementë të tjerë.

Poezitë janë shkruar në kohë dhe në vende të ndryshme. Kur përpiqem të kujtoj rrethanat e ngjizjes së tyre, nuk arrij të dalloj qartazi pothuajse asgjë; gjithçka më afrohet e veshur në mjergull. Por nuk mund të them se tashmë janë të huaja për mua.

Nëse do t’i besonim Heraklitit, meqënëse gjithçka rrjedh, ai që shkroi këto poezi, nuk ka qenë asnjëherë i njëjti, por gjithmonë një tjetër. Po të perifrazonim Çuang Cenë, autori i tyre ka qenë në gjumë dhe ka ëndërruar sikur i ka shkruar; pastaj është zgjuar brenda një ëndrre tjetër.

Rrjedha e shkrimit të poezive në kohë e hapësirë dhe mjegulla onirike që rrethon ngjizjen e tyre, të bëjnë të mendosh se midis këtyre dy koncepteve mund të ketë një lidhje të fshehtë. Kjo lidhje e fshehtë e lë autorin në udhëkryq. Ai nuk di cilën rrugë të marrë. Prandaj s’i mbetet tjetër, veçse të urojë që rrugën e duhur ta marrë poezia.”

 

Data sheet

pages74
ISBN9782954139999
Shtëpia botueseOdeon
Vendodhja e botimitTirane
GjuhaShqip
Tipi i publikimitLibër
StatusiI ri

Libra të rinj Shiko më shumë >>

Libra të tjerë të autorit