Kujtime per Shkodren e viteve 1926 - 1931

Në hyrje të librit, në një mesazh pë Muzeun Historik – Shkodër, vetë autori, Jakov Milaj shkuan:
“Kujtimet që jam duke shkruar kanë lidhje me Shkodrën, ku kam jetuar në vitet 1926 – 1931 si nxnëës gjimnazi.

Vendosa t’ju a dërgoj këtë pjesë, jo pse i bindur se ka ndonjë vlerë letrare ose historike, por pse, si paraqitje e një periudhe tashmë të largët, mund të vlejë për të plotsuar një kuadër më të plotë të viteve njëzetë.

Janë kujtimet e një adoleshenti 15 – 20 vjeçar ruajtur e përpunuar nga truri i një plaku që i ka kaluar të shtatëdhjetat. Qëllimi ka qenë i mirë: të shprehë dashamirësinë për shokët e mij të vjetër, dhe të vë në dukje karakteristikat e bukura të shoqërisë së atëhershme, duke u kundërvënë edhe të metat e botës së mykur. Në to ka, padyshim, edhe pasaktësira, ku ka ndikuar harresa, edhe interpretime të gabuara.

Do të më vinte mirë sikur këtë shkrim t’a lexonin disa nga moshatarët e mi dhe t’a plotsojnë me mungesat. Shënimet e tyre do t’i shërbenin historisë së afërt të qytetit t’uaj bujar.

Me respekt

Jakov Milaj

Fier, më 22 maj 1983