Toka e shenjte

Dhembja mbart në vetvete zanafillat e vetëdijes, çlirim i mundshëm e shëlbim. Në këtë kontekst, spitali psikiatrik merr trajtën e malit Sinaj, ku Zoti u beson të sëmurëve të mbyllur “urdhnesat e shenjta”, të huaja për njerëzit sepse të pakuptueshme për ta...

Ka shumë shkrime meriniane të pabotuara edhe sepse gjatë kohës së qëndrimit në çmendinë, të paktën prej 1970-s, iu këshillua t’i rikthehej të shkruarit, ndërprerë apo fort kufizuar për shkak të krizave që e kishin çuar në institutin Paolo Pini të Aforit. Atje... i famshmi “doktor G”... e inkurajoi që të shkruante për qëllime terapeutike. Nga ai çast, poezia e Merinit ndryshoi dhe u bë më komunikuese, më e drejtëpërdrejtë... letërkëmbimet e mëvonshme që krijoi me shumë letrarë dhe artistë italianë, rezultojnë qartësisht se poetja përdorte poezinë, rrëfimet dhe të shkruarin në përgjithësi si mjet alternativ ose shënjues të fjalës.

Merini e ruajti këtë ritual deri në vdekje, duke e shndërruar në vijimësi të shkruarin e shkruar në të shkruar gojor (në rreth 20 vitet e fundit, veprat e saj janë përcjellë me zë dikujt që i transkriptonte).

Kjo mënyrë e fundit ka ndikuar përgjithësisht si në cilësinë ashtu edhe, mbi të gjitha, në sasinë e shkrimeve: kjo është arsyeja pse shumë punime të saj mbetën të pabotuara. Megjithatë, përmbledhja [La terra Santa] edhe kjo e nxjerrë nga një letërkëmbim – letërkëmbim për disa dekada me kritikun leçez Oreste Makrin - dhe që i përket viteve ’80, një periudhë e veçantë frymëzimi krijues, është i një niveli të lartë...