Fjala e ndaluar

Trembëdhjetë tregime, trembëdhjetë histori të pazakonta njerëzore, ku koha rrjedh ngadalë dhe i jep botës që njohim format e të pazakontës, të asaj që pritet të jetë një mrekulli, një ndryshim, një shkëndijë, që mund të ndryshojë gjithçka!

 Personazhe që dalin nga normaliteti, që vuajnë dhimbjen e të qenit të pakuptuar, të padukshëm, të pafuqishëm, përballë jetës që mund të bëjë fare mirë pa secilin prej tyre.

Histori tundimi dhe bindjesh që ndryshojnë: bashkëshorti që zgjohet një mëngjes dhe vëren që një pjesë e kraharorit të gruas së tij mungon, apo një tjetër që i hap sytë në shtratin familjar dhe e kupton që ajo në krah nuk është më gruaja e tij; bota në përndjekje të atyre që janë të lumtur e s’kanë pse të jenë të tillë; apo pylli i pazakontë ku çdo pemë ka trajtat e njerëzve të njohur dikur në jetë; dashuria e bërë detyrimisht në heshtje, apo dashuria e bërë ekskluzivisht kur në sfond dëgjohet edicioni i lajmeve të mbrëmjes!

REVIEW

...në tregimet e Rusit, vërehet qartazi një dorë dhe mendje krijuese e një prozatori të mirëfilltë: në vend të pohimit dhe të stilit retorik, ai i jep jetë – e përfton tekstin kuptimisht të pasur, pra një rrëfim të menduar dhe të lartësuar.

Anton Nikë Berisha