Sherif Bundo ka lindur në Përmet më 15 tetor 1956. Ai është Profesori i Financave në Universitetin e e Tiranës, Profesor i Ftuar i Financave dhe Kontabilitetit Financiar në Universitetin e Poitiers (Puatje), Francë. U diplomua për Financë dhe Kontabilitet në Universitetin e Tiranës, në vitin 1980. Bundo është lektor dhe Profesor i ftuar në Institutin e Administrimit të Ndërmarrjeve në Universitetin e Poitiers (Institut d’Aministration des Entreprise, IAE), Francë prej 20 vitesh. Ai është drejtues i projekteve evropiane Erasmus Plus. Lektor në Universitetin Publik të Prishtinës, në Universitetin e Shkodrës, në Universitetin e Vlorës dhe në atë të Korçës. Po ashtu jep leksione dhe trajnime në disa ekonomi biznesi, dhoma të tregtisë dhe grupe korporatash brenda dhe jashtë vendit, si dhe "Mjeshtro Biznesin". Diplomë Nderi, akorduar nga qeveria shqiptare; mban diploma Mirënjohja nga Unversiteti i Shkodrës, Kolegji Universitar Globus, Prishtinë. Prof. Sherif Bundo është autor i 32 librave të botuara në Shqipëri dhe në Francë për Ekonominë, Financën, Kontabilitetit, drejtimit të Portofolit, Sigurimet dhe Risigurime si dhe monografi e studime. Ai mban detyrën e Presidentit të Financierëve dhe Kontabilistëve të Shqipërisë (SHKFSH) që prej vitit 2001 dhe president i Qendrës Shqiptare për Riskun (QSHR) dhe President i Forumit “Miqtë e Përmetit”. Prej disa kohësh ka marrë titullin Mjeshtër i Madh.