Latif Ajrullai, lindur më 1953 në Litë të Tetovës (Maqedoni). Shkollën fillore e kreu në fshatin e lindjes për ta mbaruar më vonë në Kroaci ku jetoj një pjesë të gjatë të jetës bashkë me prindërit. Ka mbaruar Fakultetin e Shkencave Matematiko natyrore, dega Kimi, si dhe Degën e Farmacisë, ku ka marrë titullin Magjistër i Farmacisë. Në vitin 1980 punoi si profesor në degën e mjekësisë. Në vitin 1989 pushohet nga puna si nacionalist dhe separatist. Në vitin 1992 hap farmaci private deri në vitin 2000, vit ky kur themeloi shtëpinë botuese Albas me degë në Tiranë, Tetovë dhe Prishtinë. Aktualisht Ajrullai është President i Albasit, një nga shtëpitë botuese më të njohura në fushën e teksteve shkollore.

Latif Ajrullai është autor dhe bashkëautor në disa tekste shkollore.

Tashmë njihen përkthimet e tij në fushën e psikologjisë me librat:

-Rruga në të cilën rrallë shkohet. (Scott Peck)

-Femra të mençura zgjedhje të gabuara (Konel Kouven, Melvin Kinder)

-Duajeni vetveten… (Louise L. hay)

-Ligji (Frederic Bastiat)