Heather Morris ka lindur në Te Awamutu, Zelanda e Re, në një qytezë të vogël rurale në mes të Ishullit të Veriut. Fëmijëria e saj ka kaluar në fshatin Pirongia, ku edhe kreu shkollën fillore. Për shkollimin e mesëm shkoi në Kolegjin Te Aëamutu. Ka qenë një studente mesatare, por ishte e pasionuar pas sportit, kryesisht notit dhe tenisit. Ishte e dhënë pas Enciklopedisë Britannica ku mund të arratisej në tokat e largëta ekzotike. Përpjekjet e saj për t’u marrë me histori nuk patën sukses.

Në vitin 1971 u transferua në Melburn të Australisë, për t'i shpëtuar asaj që e konsideronte mjedisi klaustrofobik të të paturit shumë anëtarë të familjes përrreth. Në vitin 1973 takoi Stephen, me të cilin u martua.  Në vitin 1975, u kthye familjarisht në Zelandën e Re, duke jetuar në Christchurch, në Ishullin Jugor, një distancë e arsyeshme nga vendlindja e saj dhe familja që ndodhej në Ishullin e Veriut.

Në vitin 1976 u bë nënë për herë të parë, pasi lindi djali. 4 vite më vonë lindi djali i dytë dhe në vitin 1985 lindi vajza.

Një pjesë të madhe të jetës ia ka kushtuar shkollimit. Në vitin 1986 nisi studimet në Universitetin Canterbury (NZ) dhe më pas në Melburn. Po ashtu mori diplomë edhe në Universitetin Monash në vitin 1991 për Shkenca Politike.

Në vitin 1995 filloi punë në Departamentin e Punës Sociale në Qendrën Mjekësore Monash në Melburn ku qëndroi deri në vitin 2017.

Krahas pasioneve dhe shkrimit ka ndjekur një kurs profesional për tregimin pranë Kolegjit Australian të Gazetarisë. Po ashtu ka ndjekur kurse skenari, seminare të ndryshme në Australi dhe SHBA.

Morris u bë e njohur me romanin Tatuisti i Aushvicit, i cili u pasua nga romani Rrugëtimi i Silkes. Edhe romani Tre motrat pati të njëjtin sukses. Këto tre romane tashmë kanë ardhur në shqip nga botimet Living.