Shtëpia Botuese “Dudaj” u themelua më 25 janar 2001. Serioziteti në botime dhe përzgjedhja e kujdesshme e titujve, duke qenë në më të shumtën e herëve në bashkëkohësi edhe me botimet nëpër botë, bëri që ajo shume shpejt të dallohej dhe të renditej ndër shtëpitë botuese më prestigjioze shqiptare. Stafi i botimeve “Dudaj”, i përbërë nga profesionistë dhe përpiqet t’i sjellë lexuesit veprat më të rëndësishme botërore, ku përveç përkthimeve cilësore
Tetë kapituj, tetë histori, një portret unik të Italisë së sotme të nënshkruar nga autori i bestseller-it ndërkombëtar Gomorra. Roberto Saviano gërmon brenda disave prej plagëve të vjetra dhe të reja që brengosin Italinë.
Një nga manualet më të mira për elitat politike që është shkruar gjatë dekadave të fundit; një tekst që shërben si bazë në studimet e shkencave politike, por njëherësh edhe një qasje në rrafshin diakronik, për mënyrën sesi janë krijuar dhe janë përmbysur shtresat që kanë në dorë fatet e një shoqërie
Vrasja e një plaku shënon fillin e rrëfimit të romanit thriller rreth të cilës mblidhen të gjitha fijet: Një baba psikopat rreh vajzat e tij, sa i bën për spital; një prift benedikt, vrapues i largësive të mëdha, dëgjon në kokë zëra që nuk kanë të bëjnë me Zotin; një postier në pension do që të vrasë veten; ndërsa një nënë e re beson se fëmija i saj i...
Një temë thekëse siç është prostitucioni përshkon dhimbshëm faqet e këtij romani të shkrimtares Brunilda Zllami, e cila ka ditur gjithnjë të godasë në shenjë në qëmtimin e realiteteve prekëse tipike shqiptare dhe njerëzish të zakonshëm. Dashuria, kompromisi dhe intriga janë linjat ku përqëndrohet libri dhe si gjithmonë fundi të le pa gojë...
Nëntë vite përpara se fushata për senator ta shëndërronte atë në një nga njerëzit më të fuqishëm dhe më me ndikim në politikën e Amerikës, Barack Obama publikoi këtë libër të kujtimeve të tij emocionuese, i cili u bë libri më i shitur i New York Times me rihedhjen e tij në shitje në vitin 2004. Endrra nga im atë tregon historinë e përpjekjes së Barack...
Një shoqëri sekrete vëllazërimi. Një armë bërthamore shkatërruese. Një shënjestër e pabesueshme. Robert Langdoni, simbologjisti me famë botërore i Harvardit, i njohur nga lexuesi nëpërmjet romanit Kodi i Da Vinçit, këtë herë duhet të niset drejt Romës, në zbulim të një sekreti të paimagjinueshëm.
Ky libër është përballja e pakrahasueshme me botën e sotme financiare, çka lidhet ngushtë me përvojën vetjake dhe punën për drejtimin e ekonomisë globale për një kohë më të gjatë dhe me më shumë efektivitet se çdo figurë tjetër e gjallë.Mishërim i thelbit të një jete plot urtësi dhe mprehtësi, si dhe i shprehjes elegante të një botëkuptimi koherent,...
Eskili, poeti i parë i madh i Greqisë së Lashtë, luftëtar dhe këngëtar i lirisë së atdheut dhe i fitores së demokracisë mbi tiraninë, i patriotizmit dhe i së vërtetës. Edhe pse lëndën e mori nga mitologjia, ai mbrujti me të probleme të rëndësishme të shoqërisë së kohës: gdhendi shpirtra guximtarë dhe liridashës të përmasave të jashtëzakonshme, u ngriti...
Roman me një forcë të madhe tinëzare, të errët dhe nervoze, kjo vepër është pikturë e një pasioni të ndrydhur nga një mjedis, por që arrin të venitet i gjithi. Mbahet si një nga kryeveprat e Yukio Mishima dhe është romani që ka njohur më shumë përkthime.
Euripidi shquhej për idetë e guximshme e përparimtare në veprat e tij, për realizmin dhe frymën aktuale e novatore. Tragjeditë e tij u bënin jehonë problemeve të ditës; ai e shndërroi teatrin në një arenë politike e filozofike.
Në këtë vëllijm janë përfshirë proza e gjatë dhe estetika; konkretisht, “Katër pralla nga Zullulandi”, “Shqipëria si m'u duk”, “Dr. Gjilpëra zbulon rrënjët e dramës së Mamurrasit”, “Shqipëria-kopshti shkëmbor i Evropës Juglindore” dhe shkrime të tjera. Botimi u përzgjodh dhe përgatit nga prof. Nasho Jorgaqi
Në këtë vëllim është paraqitur publicistika e Faik Konicës. Botimi u përgatit dhe përzgjodh nga Prof. Dr. Nasho Jorgaqi
Vëllimi i katërt përmbledh letërkëmbimin, i cili, edhe pse nuk është i plotë, paraqet një "terra incognita" të hapësirave koniciane. Letërkëmbimi është aq i gjerë, saqë ky kapitull mbetet i hapur.
Në këtë vëllim janë paraqitur studime mbi personalitetin dhe veprën e Faik Konicës nga autorë si: Nonda Bulka, Gijom Apoliner, Arshi Pipa, Ernest Koliqi, Martin Camaj, Rexhep Qosja, Nasho Jorgaqi, Moikom Zeqo etj.
Në vëllimin e parë janë përfshirë kryesisht krijimtaria letrare, kritika dhe përkthimet artistike të Konicës, të pasuruara me gjetje të reja të panjohura. Kolana është zgjedhur dhe përgatitur nga Prof. Nasho Jorgaqi
Në këtë vëllim janë përfshirë veprat: "Bethoveni dhe Revolucioni Francez" (anglisht dhe shqip), "Jeta ime", "Historia e krishterimit në Shqipëri", "Portrete dhe skica".
Në këtë vëllim janë paraqitur të gjitha letrat e shkruara nga Fan Noli drejtuara figurave të tilla si: Hilë Mosin, Aleksandër Xhuvanin, peshkopit rus Aleksandër, Tomas Manit, Sejfulla Malëshovës, Skënder Luarasit, Enver Hoxhës etj.
Në këtë vëllim janë paraqitur disa studime mbi veprën dhe personalitetin e Fan Nolit nga autorë si: Faik Konica, Aleks Buda, Rexhep Qosja, Ibrahim Rugova, Mitrush Kuteli, Martin Camaj, Ernest Koliqi etj.
Me një stil të shkruari tejet të thellë dhe të shkëlqyer, Lauren Groff ka arritur t’i japë mjeshtëri rrëfimtare asaj që mund të lexohet si një pjesë teatrore, si një tragjedi e vënë në jetë nga dy personazheve të shkëlqyer; sepse çdo histori ka dy anë, ndërsa çelësi i një martese nuk është e vërteta, por sekreti.
“Fëmijët e mesnatës” është fitues i çmimeve “Booker Prize”, “English Speaking Union Literary Award” dhe “James Tait Prize”, në vitin 1981. Gjithashtu, ka fituar dy herë çmimin “The Best of the Booker”, në 1993 dhe 2008.
Hapësirat tekstologjike të këtij romani, të përveçëm si frymë dhe shprehësi, por mbi të gjitha unik për sendërtimin e realitetit letrar, bazuar në konkreten e përditshmërisë, që në këtë rast e tejkalon imagjinaren, ndërlidhen po kaq ngushtësisht edhe nga fati i vetë protagonistëve, që në hapësirat e tekstit, shpesh duken më tepër si figura ide, me gjasë...
Ashtu sikurse në librat e tij të mëparshëm me shitje të jashtëzakonshme , Kodit të Da Vinçit, Simboli i humbur, Ëngjëj dhe Djaj edhe në këtë roman të ri Dan Brown ndërthur mjeshtërisht historinë, artin, kodet dhe simbolet.
Librin i parë me poezi i Meri Dishnicës. Titullohet "Fillimet", ashtu si fillimi i rrugës së saj në lëmin e letrave. Vëllimi përmban rreth 100 poezi.
Libri Filozofia e aktualitetit është shkruar në formë bisedash me lexuesin. Ato marrin shkas nga takime e ngjarje që e kanë nxitur autorin për ballafaqimin e ideve me realitetin e kohës, për refleksione të natyrës filozofike, që në epokën e sotme të globalizimit, kur filozofia merr një status të posaçëm, lipset të bëhen praktikë e zakonshme, sepse...
Miç Mekdiri është i ri, inteligjent dhe ambicioz. Kur punësohet nga studio ligjore Bendini, Lambert, & Locke mendon se kjo punë do e çoj drejt parave dhe pushtetit. Por shumë shpejt Miç zbulon që firma po përgjon telefonatat e tij dhe FBI po e kërkon. Paraja dhe pushteti kanë një çmim, i cili në këtë rast mund të jetë jeta e Miç.
Isabel Allende rrëfen sërish jetën e një femre guximtare në një roman që përballon me delikatesë të madhe marrëdhëniet njërëzore: miqësitë e pakushtëzuara, historitë e njëmendta të dashurisë si dhe ato më të padukshmet, dashuritë e adoleshencës dhe ato që zgjasin një jetë.
Në ditët e sotme, shumica e librave për mirërritjen e fëmijëve ofrojnë dy lloj metodash për ta vënë fëmijën në gjumë: Injoro të qarat ose ofroi komfort të pandërprerë. Tani ekspertët sugjerojnë një metodë të re, të ndërmjetme, për ta bërë fëmijën të flejë gjatë gjithë natës, në çdo moshë.
Brunilda Zllami vjen këtë herë me një libër tronditës, e rritur edhe më si shkrimtare, si një rrëfyese e rrallë në llojin e vet, duke na përcjellë emocione pa fund. Bukuria e këtij libri shfaqet më së shumti në pikturimin e personazheve, kaq të vërteta, sa të duket se i ke njohur ose janë te dhoma tjetër, që lidhen në histori e të rrëmbejnë në një udhëtim...