Menu
> >>>Mati, veshtrim etnomuzikor (gjurmime, studime dhe velresime)
Mati, vështrim etnomuzikor (gjurmime, studime dhe velresime) Shiko më të madhe

Mati, veshtrim etnomuzikor (gjurmime, studime dhe velresime)

Esat Ruka ESR0002

Libër i ri

Përshkrim i shkurtër

Botimi i këtij libri është një histori e plotë dhe e imët e traditave etnomuzikore të Matit, i cili për nga vlerat e sensi shkencor, jep ndihmesë të çmuar edhe për botime të tjera të profilit etnomuzikor

Më shumë detaje

5 Artikuj

Detaje të librit

Shtëpia Botuese

Mirgeeralb
Fletët270
ISBN9789995633813

1 000 Lekë

Si të blej?

Shto në listën e librave që dua

Porosit me një klik

Share

30 libra të tjerë nga e njëjta kategori:

Më tepër

Thanë për librin

“Të dëgjuara por të pashkruara më parë”*

Botimi i këtij libri është një histori e plotë dhe e imët e traditave etnomuzikore të Matit, i cili për nga vlerat e sensi shkencor, jep ndihmesë të çmuar edhe për botime të tjera të profilit etnomuzikor.

Të jetuarit, rritja dhe edukimi i autorit me këtë kulturë e ka ndërgjegjësuar atë për t’u bërë një nga protagonistët e propaganduesit më të rëndësishëm të folklorit mbarëkombëtar. Aktualisht drejtor i QKVF-së, ai ka arritur në finish të startit të nisur që në fëmijërinë e tij. Realizimi i këtij libri na çon në përfundimin se Esat Ruka ka hulumtuar, grumbulluar, krijuar e interpretuar kaq gjatë e kaq shumë, sa ka pasur boll lëndë për të shkruar këtë vepër, jo vetëm detyrim të krahinës së tij e bartës së folklorit matjan, por me realizmin e saj ai ka kryer një detyrim të pa kryer më parë nga studiuest e tjerë. Njohës skrupuloz i historisë së Matit e veçanërisht i etnokulturës, ai ka arritur të organizojë më së miri strukturën e librit, problematikat e zhvillimeve në këtë botim, krahas njohjes së përgjithshmë, bartin edhe pasionin e përkushtimin shumëvjeçar të autorit.

Që në hyrje të punimit, autori na njeh me motivet qe e shtyjnë për të shkruar këtë libër. Ndër të tjera ai nënvizon: “… duke ngjitur shkallët e hierarkisë në drejtimin e menaxhimin e kulturës, duke e dashuruar atë dhe vlerësuar e respektuar si një fushë shumë të rëndësishme, ndoshta e vetmja pasuri e pastër dhe origjinale në pejsazh kulturor botëror, m’u desh të ulem, të mendoj e të rikujtoj aspektet në marrëdhëniet 50-vjeçare me të…”.

Si rezultat i këtij përkushtimi, z. Ruka, ka arritur që mbresat dhe aspekte nga zhvillimet etnokulturore të Matit, t’i studiojë e t’i analizojë në këtë libër që për nga përmasat e problematika, përbëjnë një monografi të vlerësueshme.

Libri “Mati-Vështrim etnomuzikor” krahas hyrjes e përfundimit përmban 10 kapituj, i ilustruar në mënyrë funksionale e estetike, me shembuj notizimesh me shumë vlerë, ka një bibliografi të pasur. Në çdo kapitull të tij, trajtohen dukuri të ndryshme të kulturës muzikore matjane. Krahas të kënduarit, autorit trajton edhe probleme të krijimtarisë popullor gojore, krijimtarisë muzikore, instrumenteve popullore, interpretimit artistik, formacioneve e orkestrinave.

Ai u bën një klasifikim të plotë të stileve të të kënduarit në Mat dhe tematikës së këngëve matjane. Përshkruan imët instrumente popullore të krahinës duke i klasifikuar saktë ato, jo vetëm për nga ndërtimi, lënda e mënyra e prodhimit të tingullit, por edhe nga brendia emocionale që ato shprehen.

Gjithashtu në libër trajtohen hollësisht e me shumë dashuri ndihmesa e misionarëve të folklorit matjan, të cilët i falën artit popullor të kësaj treve dhe mbarë kombit përkujdesjen e përkushtimin më të ndjeshëm të tyre.

Krahas tyre, Esat Ruka, nuk harron të portretizojë bartësit më të shquar të kësaj kulture. Ai duke qenë edhe vetë pjesë elitare e këtij komuniteti artistik, arrin që veç ndihmesës e cilësive të tyre krijuese artistike, të na japë edhe një biografi për secilin bartës e interpretues. Vlerësimet e autorit të librit për kontribuesit e zhvillimit të artiti muzikor popullor të Matit e rrisin edhe me tepër personalitetin qytetar të tij.

Librin e bën interesant e të plotë shoqërimi i çdo trajtese me foto, transkriptime (notizime) muzikore e analiza. Esat Ruka na e sjell të gjallë jetën e artit popullor të krahinës së tij duke e bërë të përjetohet nga artëdashësit dhe lexuesit. Mënyra e të parashtruarit të problemeve, gjuha e qartë, artikulimi i logjikshëm e sensi poetik, i japin vlera të veçanta botimit dhe garanci për t’u bërë pjesë e kulturës së lexuesit. Krahas punës profesionale të autorit, libri “Mati-Vështrim etnomuzikor”, është edhe një ndihmesë e vlerësueshme për studimet etnokulturore ne përgjithësi e veçanërisht për ato të rrafshit muzikor e artistik.

Botime të këtij profili e shtojnë opusin e studimeve etnokulturore e ndërkohë bëhen pjesë e historisë së zhvillimeve e etnokulturore shqiptare.

Botimi monografik “Mati – Vështrim etnomuzikologjik” i studiuesit Esat Ruka, krahas vlerave historike, shkencore e njohëse, është edhe një ndër shembujt më të mirë të detyrimeve të studiuesve tanë për etnokulturën kombëtare.

* Autori i shkrimit është Prof. As. Roland Çene, “Artist i Merituar”

Të dhëna

Lloji i botimitHard Copy
Fletët270
ISBN9789995633813
Titulli origjinalMigreeralb
V. Bot2009
VendodhjaTirane
GjuhaShqip
Tipi i publikimitLibër
Grupmoshambi 18 vjeç
StatusiI ri

Libra të rinj Shiko më shumë >>

Libra të tjerë të autorit