Kapitali dhe ideologjia

Të gjitha shoqëritë njerëzore kanë nevojë të justifikojnë pabarazite e tyre. Atyre u duhen gjetur arsyet, përndryshe e gjithë struktura politike dhe shoqërore rrezikon të shembet Ideologjitë e të shkuarës, nëse i studiojmë nga afër, nuk janë gjithmonë më të çmendura se ato të sotmet. Vetëm duke treguar trajektoret e shumta dhe ndërthurjet e mundshme ne mund të vëmë në pikëpyetje vetë themelet e institucioneve tona dhe të parashikojmë kushtet për transformimin e tyre.

Duke u bazuar në të dhëna krahasuese të jashtëzakonshme për nga shtrirja dhe thellësia e tyre, ky libër ripërcakton në një perspektivë ekonomike, sociale, intelektuale dhe politike, historinë dhe të ardhmen e regjimeve të mbështetura në pabarazi, që nga shoqëritë e vjetra trifunksionale dhe skllavopronare, deri te shoqëritë moderne postkolonialiste dhe hiperkapitaliste, duke kaluar nga shoqëritë pronësore, kolonialiste, komuniste dhe socialdemokrate.

Ndryshe nga narrativa që ka mbizotëruar që nga vitet 1980-1990 duke mbështetur pabarazitë ekstreme, ky libër tregon se ka qenë lufta për barazi dhe arsimim, dhe jo shenjtërimi i pronës, ajo që ka bërë të mundur zhvillimin ekonomik dhe progresin njerëzor.