I ri I lumi Dom Shtjefën Kurti, dëshmitar i Kishës Martire Shiko më të madhe

I lumi Dom Shtjefën Kurti, dëshmitar i Kishës Martire

Nikolle Loka, Nikolin Kurti A-000889

Libër i ri

Përshkrim i shkurtër

Libri “I lumi Dom Shtjefën Kurti, dëshmitar i Kishës martire” nuk është thjeshtë një biografi për një prift, por një tekst hulumtues që përpiqet të konstruktojë siç duhet aspekte të historisë tonë; përplasjen e madhe mes regjimeve genocidiste serbe dhe komuniste me kishën katolike, ideologjisë dhe fesë, dhe mbi proceset e ndërlikuara të mbijetesës së përbashkët të shqiptarëve dhe fesë së Krishtit ndër shekuj, parë në këndvështrimin e jetës së një martiri.

Më shumë detaje

50 Artikuj

Detaje të librit

Shtëpia Botuese

ISKPK
Fletët520
ISBN9789928168979

1 500 Lekë

Share

30 libra të tjerë nga e njëjta kategori:

Më tepër

Nikoll Loka vjen me bagazhin e studiuesit, sociologut dhe historianit serioz, gjë që dëshmohet përmes shumë librave të natyrës biografike për personalitete të shquara të historisë tonë, përfshirë edhe për klerikët katolikë (kujtojmë këtu librin për Dom Nikoll Kaqorrin, në bashkëautorësi me Prof. Angjelin Shtjefnin), por edhe për monografik të ndërtuara mbi ngjarje dhe treva të caktuara të vendit tonë. Këto botime sjellin prurje informative dhe vlera të çmuara në kontekste lokale dhe kombëtare.

Ndërsa autori tjetër, Nikolin Kurti, trashgimtar i fisëm i familjes biologjike të të Lumit Shtjefën Kurti, vijon përpjekjet titanike që krimi komunist të mos jetë më zgjatim i ditëve tona. Ai e ka bërë dhe vazhdon ta bëjë edhe sot këtë sfidë paqësisht, pa hakmarrje, - me vepra dhe kontribute të tilla si ky që kemi sot në duar. Ky libër është veçse vazhdim i një misioni të madh që Nikol Kurti ka ndërmarrë për të zbuluar të vërtetën për vrasjen e Dom Shtjefnit, për promovimin e veprës së tij si meshtar dhe qytetar i shquar dhe për ta përcjellë veprën e tij si model për brezat në vazhdim.

Libri nxjerr në dritë në mënyrë tërësore figurën komplekse të Dom Shtjefën Kurtit, përmes burimeve të shumta arkivore, kërkimeve, dëshmive, analizave, dokumenteve dhe vlerësime që i kanë bërë institucione dhe personalitete kësaj figure. Shumëllojshmëria e burimeve ia shton besueshmërinë librit dhe e çon në vendin e caktuar kontributin e të Lumit Shtjefën Kurti, për ngritjen shpirtërore, sociale dhe kulturore të shqiptarëve këtej dhe andej Drinit.

Duke shfrytëzuar burime të shumta arkivore, profili i Dom Shtjefnit si klerik dhe si atdhetar na vjen si meshtar i suksesshëm (shih misionet e tij në Ferizaj të Kosovës, në Gurëz të Kurbit dhe në Tiranë, si drejtues i komunitetit katolik); si organizator i jashtëzakonshëm i grigjës katolike (pasi e ktheu Kishën edhe në një qendër kulturore përmes ngritjes së kinemës, teatrit, aktivitete sportive) por edhe si humanist (përmes aktiviteteve bamirëse dhe mbështetjen e femrës shqiptare).

Por, ky është vetëm një aspekt i këtij libri. Pjesa tjetër, që ka peshë të rëndësishëm është edhe informacioni i bollshëm, i përpunuar për ngjarje dhe vende me të cilat lidhet edhe jeta e protagonistit të kësaj biografie. Shqyrtimi i raporteve të kishës katolike dhe besimit tek shqiptarët, përkes analizimit të zhvillimeve historike dhe politike në treva të Kosovës, si Prizreni, Ferizaj, Gjakova, por edhe në Shqipëri, si në Durrës, Kurbin, Tiranë, Krujë, Gurëz, etj., mbetet ndër kontributet më të çuara që sjell ky libër.

Ky libër ka natyrë të theksuar hulumtuese, gjë që ia rrit vlerat. Në këtë botim vijnë edhe dokumente/artefakte të rëndësishme për historiografinë shqiptare, të tilla si: Promemoria për genocidin serb në Kosovë, letra që Dom Shtjefën Kurti i dërgon Papa Piu XII për krimet që sistemi komunist po bënte ndaj kishës, klerikëve dhe besimtarëve katolikë, dosjet e marra nga autoritetet shtetërore për survejimin e aktivitetit të tij (dokumentet e Arkivës së Ministrisë së Brendshme), dosjet hetimore, vendimet e gjykatës, dëshmitë e Hajredin Fugës, ish-prokuror i Krujës dhe Jani Vasilit, anëtar i Kolegjit Penal të Gjykatës së Lartë, dokumentet dhe kërkesat e kancelarive të huaja për lirimin e Dom Shtjefën Kurtit, artikujt në mediat vendase dhe të huaja në lidhje me të, etj.

Një ndër meritat e këtij libri është edhe trajtimi i çështjeve kritike dhe të shumëdebatuara si roli i klerit katolik gjatë pushtimit nazi-fashist në Shqipëri gjatë Luftës së Dytë Botërore, marrëdhëniet e kishës katolike me mbretërinë e Zogut apo me regjimin komunist, si dhe çështje që lidhen me raportet mes klerit katolik vendas dhe të huaj. Këtu ka shumë debate, mendime të kundërta, por autorët sjellin një këndvështrim të tyrin, duke i shoqëuar argumentet që shtrojnë edhe me dokumente dhe dëshmi të kohës.

Leximi që autorët e këtij libri i bëjnë të Lumit Shtjefën Kurti, kishës dhe besimit të krishterë, historisë së Shqipërisë dhe shqiptarëve, është një kontribut i çmuar në serinë e botimeve të kësaj fushe. Por, ky libër dhe shumë botime të tjera kanë nevojë për lexues; kanë nevojë për tu lexuar; duhet të jenë pjesë e dijeve që ndahen në shkollë dhe shoqëri. Kjo mënyrë sesi ne i qasmi të kaluarës me momentet dhe protagonistëve të saj duhet të bëhet pjesë e perceptimit dhe konstruktimit të historisë tonë.

 

Të dhëna

Lloji i botimitHardcopy
Fletët520
ISBN9789928168979
RedaktoriValbona Jakova
V. Bot2018
VendodhjaTirane
GjuhaShqip
Tipi i publikimitLibër
Grupmoshambi 14 vjeç
StatusiI ri
Numri i botimeveI parë
HistoriShqipëria