Haga e Ramush Haradinaj

Irlandezi Michael O'Reilly, avokati mbrojtës i Ramush Haradinajt në procesit gjyqësor kundër të tij në Hagë, sjell një shërbim të çmuar edhe si shkrues i një historie të rrallë, jo vetëm për Haradinajn, por edhe për Kosovën. Në libër vijnë historia e krijimit të UÇK-së dhe luftës së kosovarëve për liri, të gërshetuara edhe me një vështrim mbi historinë e trojeve shqiptare. "Mbi të gjitha, ishte një histori shumë e rëndësishme, që duhej treguar. Së dyti, ishte një çështje drejtësie. Ishte bërë një padrejtësi e madhe ndaj një njeriu në veçanti, por shumë më shumë ndaj një vendi. Kjo duhet treguar dhe unë jam përpjekur ta bëj këtë", - thotë autori i librit.