I ri Historia e Gretes - Nuk je shume i vogël per te bere gjera te medha Shiko më të madhe

Historia e Gretes - Nuk je shume i vogel per te bere gjera te medha

Grup autorësh A-003666

Libër i ri

Përshkrim i shkurtër

Përgatituni të lexoni një tregim shprese, guximi dhe vendosmërie. Kjo është historia e vërtetë e Greta Thunberg-ut, por edhe ajo e shumë vajzave dhe djemve të tjerë në gjithë botën, të gatshëm të luftojnë kundër indiferencës së të rriturve, në emër të një të ardhme më të mirë. Sepse nuk je kurrë shumë i vogël për të bërë ndryshime të mëdha.

Më shumë detaje

Ky libër nuk është më në stok

Detaje të librit

Shtëpia Botuese

Magjia e librit
ISBN9789951693684

600 Lekë

Shto në listën e librave që dua

Porosit me një klik

Share

Më tepër

Greta nuk ka qenë gjithmonë një heroinë guximtare, e njohur në gjithë botën për vendosmërinë e vet. Para se të fillonte aventurën para parlamentit suedez ishte një vajzë e çuditshme, e heshtur dhe ndrojtur. Nga ato nxënëset që i ndjekin mësimet në heshtje, të ulura më vete, në një bankë në rreshtat e fundit. Në jetë nuk i kishte ndodhur ndonjë gjë e veçantë, asgjë që të linte të kuptoje se një ditë do të bënte që qindra e mijëra të rinj të ndiqnin shembullin e saj.

Si mund të vazhdoje ta jetoje jetën tënde qetë-qetë, ndërsa bota rrezikonte të përfshihej nga një katastrofë e mjedisit?

Greta nuk dinte t’i jepte përgjigje këtyre pyetjeve. Ndaj ndihej e pikëlluar, shumë e pikëlluar. Të rriturit ndoshta nuk e vinin ujin në zjarr, por ajo po.

Greta ndryshonte nga moshatarët e saj jo vetëm për interesin në çështjen e mjedisit, por për diçka tjetër. Në moshën 11-vjeçare doktorët i kishin diagnostikuar sindromën Asperger. Ata që vuajnë nga kjo sindromë interesohen shpesh për një temë, e mendojnë dhe e rimendojnë pa mundur ta heqin nga mendja. Kjo po i ndodhte edhe Gretës.

Mendja e Gretës kishte edhe një karakteristikë tjetër të veçantë: mund të përqendrohej krejt në atë që i zgjonte kureshtje. Sindroma Asperger të bën të vendosur dhe të ndihmon të angazhohesh maksimalisht. Për vite të tëra Greta studioi thellësisht ndryshimet klimatike, duke mbledhur të dhëna në mënyrë jotipike për një fëmijë të moshës së saj. Dinte po aq shumë sa një ekspert: gjatë një eskursioni shkollor në një muze, vuri re se disa të dhëna mbi gazin karbonik që jepeshin në panele, ishin të gabuara. Kjo e zemëroi shumë, aq sa u largua nga shokët, iku nga eskursioni dhe u ul e vetme tek hyrja.

Derisa në moshën 11-vjeçare, gjithë ai pikëllim u bë sëmundje. Dukej sikur i ishte thyer diçka përbrenda. Doktorët e quanin depresion.

Pushoi së foluri, së lexuari, bile pushoi edhe së ngrëni. Në dy muaj humbi gati 10 kg. I dukej se nuk kishte më vlerë të jetonte, sepse bota ishte e padrejtë. Nuk dinte të shpjegonte se ç’po i ndodhte, ishte gojëmbyllur dhe e dëshpëruar.

Prindërit, Svante dhe Marlena, pyesnin veten mos ndoshta i kishte ndodhur diçka në shkollë, por mësuesit e mohonin këtë. Thonin se Greta ishte shumë e qetë, që rrinte më vete dhe fliste pak.

E ëma nuk po kuptonte asgjë: ky nuk dukej ndonjë problem i madh. Edhe ajo vetë kishte qenë e mbyllur dhe e heshtur. Ç’të keqe kishte? Duke u rritur, kishte gjetur sigurinë në muzikë. Kënga e kishte ndihmuar të ndihej e sigurtë, të gjente vendin e vet në botë.

Ndërsa Greta luftonte me depresionin, edhe motra e saj Beata nisi të shfaqte shenja sëmundjeje. Nuk duronte kaosin, e shqetësonin zhurmat dhe, ashtu si Greta, e kishte të vështirë të ndiqte mësimet.

Dy motrat takuan doktorë të shumtë, për të kuptuar cili ishte problemi. Nuk qe e lehtë, por më në fund doktorët arritën t’ia gjenin emrin asaj që i dallonte Gretën dhe Beatën nga fëmijët e tjerë: sindroma Asperger.

Atëherë prindërit e tyre nisën të kërkonin një zgjidhje që t’u lejonte bijave të tyre t’i riktheheshin një jete normale, hap mbas hapi...

 

Të dhëna

Lloji i botimitMe kapak te holle
Faqe140
ISBN9789951693684
Viti i Botimit2019
VendodhjaTirane
GjuhaShqip
Tipi i publikimitLibër
Grupmoshambi 10 vjeç
StatusiI ri
Numri i botimeveI parë