Menu
> >>>Gandi II - Filozofia dhe feja - gandizmi
Gandi II - Filozofia dhe feja - gandizmi Shiko më të madhe

Gandi II - Filozofia dhe feja - gandizmi

Ilir Hashorva TO0231

Libër i ri

Përshkrim i shkurtër

Libri i dytë ka të bëjë me mendimin e Gandit, me botëkuptimin e tij, me filozofinë dhe fenë e tij, me atë që përgjithësisht quhet gandizëm.

Më shumë detaje

499 Artikuj

Detaje të librit

Shtëpia Botuese

Toena
ISBN9789994316670

1 200 Lekë

Si të blej?

Shto në listën e librave që dua

Porosit me një klik

Share

30 libra të tjerë nga e njëjta kategori:

Libra të tjerë të serisë

Më tepër

Cilido që e di dhe e pranon filozofinë si mendimin më të çoroditur e më të pështjelluar, të shprehur në mënyrën më të pakuptueshme të mundshme, me fjalë e fraza të mëdha, me lojëra sofiste fjalësh, me arsyetime absurde e abstrakte silogjike, për çështje që nuk preokupojnë asnjë, në këtë pjesë të librit për Gandin, ku jepet botëkuptimi i tij, nuk do të gjejë atë që mendon. Përkundrazi, mendimin e Gandit, apo filozofinë e tij, do ta gjejë të shprehur në mënyrën më të thjeshtë të mundshme dhe të drejtuar nga problemet më jetike të njeriut dhe të shoqërisë.

Cilido që e di dhe e pranon filozofinë si disiplinën që të jep një status të lartë në hierarkinë e të kulturuarve, në këtë pjesë të librit të Gandit, ku jepet filozofia e tij, nuk do të gjejë atë që mendon. Kushdo që dëshiron të ndryshojë e të përmirësojë veten; kushdo që dëshiron t’i shërbejë shoqërisë, atdheut dhe botës; kushdo që do që të bëhet më i përulur, më pak konformist, më shumë idealist, më i drejtë, më i vërtetë, më me karakter, më i moralshëm, më modest; kushdo që do të çlirohet nga çdo lloj paragjykimi e zgjedhe, kushdo që do të ecë sipas parimit më të lartë, sipas parimit të së vërtetës, në këtë pjesë të librit për Gandin, ku jepet filozofia dhe feja e tij, do të gjejë atë që i duhet.

Cilido që për nga natyra ka një predispozitë butësie, që vlerëson moralin dhe të vërtetën, të drejtën dhe të padhunshmen, do ta përqafojë menjëherë këtë pjesë të librit për Gandin. Cilido që për nga natyra ka një predispozitë egërsie, që nuk vlerëson moralin dhe të vërtetën, të drejtën dhe të padhunshmen, ndofta do ta modifikojë pak temperamentin dhe karakterin e tij, pasi të ketë lexuar këtë pjesë të librit për Gandin.

 

NGA URTËSIA E GANDIT

 

- Në fillim të injorojnë, më pas të tallin, pastaj të luftojnë dhe, më në fund, ke fituar!

 

- I jam përkushtuar vetëm të vërtetës. Nuk i bindem askujt, përpos së vërtetës.

 

- Shpresoj se çlirimi i vërtetë do të vijë jo atëherë kur disa prej nesh të marrin fuqinë, por kur të gjithë ne do të kemi mundësi dhe kurajë t'i kundërshtojmë ata që abuzojnë me fuqinë, kur t'i bëjmë masat të ndërgjegjshme për mundësinë dhe të drejtën që kanë për të rregulluar dhe për të kontrolluar autoritetin.

- Është bindja ime se askush nuk e humb lirinë, përveçse nga dobësia e tij. Asnjë tiran nuk ka mundur të arrijë qëllimin, pa marrë me vete edhe viktimën, qoftë edhe me forcë.

 

- Habitemi me zbulimet e mahnitshme në fushën e dhunës. Por, këmbëngul se zbulime më të paimagjinueshme dhe, në dukje, më të pamundshme, do të kryhen në fushën e mosdhunës.

 

- Ekonomitë që lëndojnë mirëqenien morale të individit apo të vendit, janë imorale dhe, prandaj, edhe mëkatare.

 

- Gjatë historisë, rruga e së vërtetës dhe e dashurisë ka fituar. Ka pasur tiranë dhe vrasës që për njëfarë kohe janë dukur të pamposhtshëm, por, në fund, ata gjithnjë kanë rënë, gjithnjë.

 

- Ju duhet të kultivoni shpirtin e lirisë përpara se ajo të vijë fizikisht. Zinxhirët e skllavit këputen në çastin kur ai e konsideron veten të lirë.

 

- Kam vërejtur se, pothuaj gjithnjë, sa më i madh të jetë grumbullimi i pasurisë, aq më e madhe është pafytyrësia morale e atij që e ka grumbulluar atë pasuri.

 

- Nuk ju kërkoj të thyeni skllavërinë e qeverisë sot për t’u bërë skllevërit e mi nesër.

 

- Mosbashkëpunimi me të keqen është po aq detyrë sa dhe bashkëpunimi me të mirën.

Të dhëna

Lloji i botimitHard Copy
ISBN9789994316670
Titulli origjinalToena
VendodhjaTirane
GjuhaShqip
Tipi i publikimitLibër
Grupmoshambi 18 vjeç
StatusiI ri

Libra të rinj Shiko më shumë >>

Libra të tjerë të autorit