Dukuri te shqipes bashkekohore

Dukuri të shqipes bashkëkohore është një përmbledhje aktesh e Takimit Shkencor me Prof. Tullio de Mauro që Instituti i Gjuhësisë dhe Letërsisë, me iniciativë të Rrethit Gjuhësor të Tiranës, organizoi me gjuhëtarin e njohur italian në mjediset e Akademisë së Shkencave të Shqipërisë më datë 5-8 tetor 2005. Takimi me De Mauron u zhvillua pikërisht në momentin kur shoqëria shqiptare përjetoi një periudhë të rëndësishme ndryshimesh demografike, sociale dhe etnokulturore, ndryshime që po pasqyrohen në një spektër më të gjerë e kaleidoskopik edhe mbi gjuhën shqipe.