Format e prozes se Kadarese

“Format e prozës së Kadaresë” i Blerina Rogova-Gaxha është libri i saj i parë teorik, i cili është formësuar në dy rrafshe, në Teorinë e formave dhe në Modelet letrare të universit kadarean.

Në pjesën e parë jepen nocionet dhe konceptet themelore teorike në pikëpamje të formës letrare.

Kurse, pjesa e dytë strukturohet në dy plane; plani i parë aplikon dhe ilustron principet teorike në modelet konkrete të prozës fiksionale të Kadaresë, kurse shqyrtimi i dytë prek prozën eseistike: Teoria, proza, eseja.

Libri realizohet nga hyrja gjeneralizuese mbi teoritë e formave letrare, duke u shtruar pastaj në tekstin specifikues e analizues.