NE

E zhvendosur në kohë për njëmijë vjet, merr dhe karakterin e ukronisë. Mbasi ngjarjet në tokë kanë marrë një formë të kryer (të mbaruar), situata do të zhvendoset në Kozmos, për të përçuar e bartur gjendjen e “lumturisë njerëzore” në të gjitha botët. [...]

“Ne”, në të vërtetë, kaloi nivelin e një kryevepre autoriale. Së pari, sepse u bë klasikë e një lloji të veçantë letrar. Së dyti, sepse u bë amëz (edhe paramodel) i veprave të rëndësishme të antiutopisë, në mënyrë të veçantë në trashëgiminë kulturore të Anglisë e të Amerikës.

Qoftë duke mos e pranuar, qoftë duke e pranuar hapur e qartë, vepra e Olldës Haksllit, “Më e mira e botëve”, dhe vepra e famshme e Xhorxh Oruellit, “1984”, tani konsiderohen bija të antiutopisë së Zamjatinit.