Shtëpia botuese ALBAS është themeluar në vitin 2000 dhe që në fillimet e saj ajo ka pasur si politikë botimet shkollore. Me seli në Tiranë, Tetovë dhe Prishtinë ALBAS jo vetëm që e sjell tekstin shqip sa më afër nxënësve në hapësira të ndryshme gjeografike, por edhe e përpilon atë sipas kërkesave të veçanta të sistemeve arsimore në këto vende.
Në listën e botimeve të ALBAS përfshihen 25 tekste shkollore të miratuara nga Ministria e Arsimit e Kosovës dhe 20 tekste shkollore të miratuara nga Ministria e Arsimit e Maqedonisë. Për lëndët me rëndësi kombëtare si gjuha shqipe dhe historia e Shqipërisë ALBAS bashkëpunon me autorë të njohur të këtyre tri vendeve, me qëllim që këto tekste të kenë një frymë sa më të hapur mbarëkombëtare shqiptare.
Kur nisi reforma arsimore në Shqipëri në drejtim të teksteve shkollore, ALBAS ka qenë ndër të parat shtëpi botuese që mori pjesë me një numër të konsiderueshëm tekstesh shkollore. Në vitin 2004 ajo fitoi për herë të parë tekstin alternativ Letërsia dhe gjuha shqipe 10, ku u bënë përpjekje për integrimin e lëndës së gjuhës shqipe me letërsinë dhe kulturën e të shkruarit dhe të folurit.
Gjatë viteve 2004-2009 Albas ka synuar të plotësojë linjat në disa nga titujt më të rëndësishëm të kurrikulave arsimore si: Gjuhë shqipe, Matematikë, Dituri natyre, Biologji, Kimi, Histori, Edukatë shoqërore, Fizikë etj. Tashmë ajo operon në tregun e teksteve shkollore me 70 tituj shkollorë.
Po kështu ALBAS i vjen në ndihmë mësuesve me materiale ndihmëse, libra mësuesi, zbërthime planprogramesh e objektivash, teste etj. Albas ka botuar deri tani 18 libra mësuesi. Përveç kësaj Albas ka një numër të madh botimesh ndihmëse për nxënësit; ku hyn dhe seria e botimeve enciklopedike; atlaset, lexime plus, fleta pune etj., të cilat përfshijnë të gjitha lëndët që zhvillohen sot në shkollë.
Shtëpia botuese Albas ka një numër të madh bashkëpunëtorësh: studiues, pedagogë, punonjës shkencorë e didaktë, mësues të kualifikuar të cilët kanë sjellë në tekste koncepte bashkëkohore, shkencore dhe didaktike. Sot ALBAS, ka një sërë botimesh të cilat janë profilizuar në disa drejtime kryesore:
Tekste shkollore
Botime ndihmëse për shkollat
Seria e atlaseve
Kolana e Lexim Plus
Botime të ndryshme artistike e studimore
Botime psikologjike
Shpella e piratëve është një nga romanet e mirënjohura të shkrimtarit tonë të dashur Petro Marko. Ky roman është dramatizuar dhe inskenuar në disa variante dhe ndonëse libri është botuar për herë të parë në 1964, te ish Shtëpia botuese "Naim Frasheri", ne mundëm ta nxjerrim në faqen tonë vetëm në ribotimin e tij të dhjetë.
Shprehia e vetëbrohoritjes, një mjet tepër i thjeshtë dhe i vërtetuar shkencërisht, të cilin mund ta përdorni për të marrë kontrollin e jetës suaj.
Romani “Shpresa më e madhe” na rrëfen magjishëm se njeriu nuk duhet t’i humbasë kurrë besimin dhe ëndrrat e tij se qielli diku do të jetë vetëm i kaltër…
Nëpërmjet këtyre librave realizohet: Kuptimi dhe përdorimi i fjalëve të reja, dëgjimi i tingujve të gjuhës së folur, lidhja e tingujve me shkronjat për deshifrimin e kodit të leximit, njohja dhe mësimi i shkronjave të alfabetit, dëgjimi dhe kuptimi i pjesës së lexuar dhe përgjigjja e pyetjeve, zhvillimi dhe kultivimi i vëmendjes dhe i përqendrimit. Cilat...
"Për të gjithë, unë jam mohimi i jetës. Jam diçka e tillë si mosqenia. Njeriu nuk ekziston thjesht te veprimi. Ekziston edhe duke mos qenë? Ekziston dhe nuk ekziston. Ja tek janë ata njerëz. Me siguri kanë gra, fëmijë, shtëpi. Ndoshta janë ca mjeranë. Por, nëse dikush përpiqet t’u zaptojë shtëpinë, t’u rrëmbejë një qindarkë apo t’u prekë gruan, ata...
Boshti i strukturës së këtij libri është fjala e thjeshtë që përmban thelbësoren, qartësinë, imazhet që të godasin, por veçanërisht spikat përdorimi i një simbolizmi konkret.
Shtergjet perbet nga nje mozaik karaktersh qe jane ne levizje te panderprere. Duket se bota moderne leviz ne menyre te coroditur dhe se kaosi eshte i gjithepranishem jo vetem ngaqe eshte copetuar itinerari i levizjes, por edhe ngaqe vete subjekti i levizjes eshte copetuar.
Ka shumë njerëz që shkojnë në mal për sportet e dimrit, por ka edhe të tjerë, si Lola, që do të dëshironin të rrinin në të ngrohtë, nën batanije. Aq më tepër kur përfundoi në spital, sepse të gjithë kujtuan se theu këmbën. Por Lolës thjesht I ishte spërdredhur çorapi te pulpa...
Lola ëndërron të ndihet e rritur: të ketë një celular dhe të dale vetëm nëpër qytet. Por asaj nuk i lejohen këto.
Shkrimtari aq i dashur për fëmijë. Bedri Dedja, do të na çojë përsëri në Sdikuisht, në kryeqytetin e përrallave të tij, kësaj here për të na njohur me të fshehtat e biznesit
Me ne fund vjen e perkthyer serish kryevepra e mijevjecarit, Don Kishoti i Mances, permes shqiperimit nga origjinali ne spanjisht te Bajram Karabollit, dhe botuar nga Albas. Nje sipermarrje kolosale e cila ridimensionon receptimin e lexuesit shqiptare me kete veper te madhe te te gjitha koherave
Nje prej kryeveprave te letersise boterore na vjen Don Kishtoi i Mances na vjen ne nje perkthim te ri nga origjinali prej shqiperuesit te njohur, Bajram Karabolli dhe hedhur ne qarkullim nga shtepia botuese Albas
Ky botim në shqip i vëllimit II të Sojliu mendjemprehtë, Don Kishoti i Mançes, - veprës së konsideruar si romani i parë modern dhe polifonik, një ndër kryeveprat e letërsisë,- e bën të plotë ripërkthimin në shqip pas 100 vjetësh.
Pas shumë veprash të mira që Eliseu la pas, një ditë të zymtë, që kulmonte me Luftën e Ftohtë dhe vrasjen e një presidenti amerikan, i la të gjithë dhe iku për t’iu bashkuar familjes së madhe në parajsë... atje ku gjendeshin Niela dhe prindërit e tij. I dëshpëruar nga dhimbja dhe mërzia se nuk do të merrte më asnjë letër prej mikut të tij Elise, një vit...
Libri i Dhurata Shehrit, “Statusi i kritikës” paraqitet me një bazë të fortë etike. Etikë që formalizohet nëpërmjet një ligjërimi të ri konceptual në kritikën letrare shqiptare. Etika ndan, nuk bashkon, por njëkohshëm individualizon.
Libri "Stegozauri - dinozauri më miqësor" i serisë "Dinozaurët" flet për këtë lloj dinozauri katërkëmbësh barngrënës, emri i të cilit do të thotë "zvarranik me çati". Ai dallohej lehtësisht prej dy rreshtave me pllakëza mbi kurriz. Në fillim atë e quanin "dinozauri budalla" për shkak të trurit të tij të vogël sa një arrë.
Roberto Piumini, me këtë roman të shkurtër dhe magjik, na zbulon se dashuria nuk është vetëm një lidhje gjaku, por edhe një lidhje befasuese dhe e vërtetë mes njerëzve, që dinë të falin paqe, mbështetje dhe emocione te të tjerët.
Ky libër do të ketë ndikim në shumë fusha të ndryshme dhe duhet të bëhet tekst bazë për këdo që është i interesuar të dijë më shumë për politikën, shoqërinë dhe gjendjen në të cilën ndodhet bota jonë.
Rrjeta e kafazit në një kopsht zoologjik: nga njëra anë një ujk me një sy, nga tjetra një djalë me një sy të mbyllur. Në syrin e ujkut shfaqet Veriu i Madh, aventura, përndjekja e vazhdueshme nga njerëzit; ndërsa në syrin e djalit të vogël, Afrika, zjarri, leopardi, antilopa, deveja...
Tantra moderne, që kombinon seksualitetin me shpirtëroren në një situatë praktike tokësore, mund të bëhet një mjet i përkryer për të ngritur në nivele më të larta, kënaqësitë që rrjedhin nga bashkimi seksual.
Në këtë libër tregohet historia e mrekullueshme e djaloshit të xhunglës, Tarzanit.
Prandaj kam dashur që poezia ime mu në zemër të atdheut të jetë si një plagë e vjetër që hera - herës lëngon, që tërheq medoemos kujtime, që ta pret gazin mu mes buzëqeshjes, që të shtyn të vetmohesh, të mendosh për jetën, t'i lutesh Zotit, në këtë vend, ku u bie mendja për poetët veç kur ata vdesin dhe kujtohen për ta vënë në përvjetorët e lindjes dhe...
Ky set është për fëmijë të moshës 3-6 vjeç dhe synon që ti edukojnë që të mbajnë vendin pastër, të hedhin mbeturinat në vendet e caktuara, ti informojë për rëndësinë që kanë gjallesat dhe uji për jetën tonë në tokë dhe për rëndësinë që ka energjia për aktivitetet e qenies njerëzore. Përgatitja didaktike dhe informacioni që përmbajnë këto katër botime...
“Të vdesësh nën diell” është përmbledhja e parë me tregime nga autori premtues, Ervin Nezha, i cili u shpall edhe një nga tri fituesit e çmimit “Libri i karantinës”. Këto tregime dallojnë për stilin befasues dhe mjeshtërinë e ndërtimit të karaktereve. Tematika e tyre i mëshon fort fatit të përcaktuar të njeriut.
Teori e shkurtër për udhëtimin dhe për shkretëtirën është një sfidë e vërtetë ndaj shumicës së rregullave të pranuara në letërsinë tonë për formën e një tregimi. Të gjitha tregimet e këtij vëllimi rrokin tërë përvojën e gjerë njerëzore, duke na vendosur në çdo cep të botës, që nga viset e thata të brigjeve mesdhetare, deri te faqet e shkrimtarit gjenial...
Vëllimi me tregime Teposhte është vepra e parë e nobelistes Herta Müller. Këto tregime janë kryesisht autobiografike, të bazuara në fëmijërinë e autores në fshatin rumun Banat.
Inteligjenca artificiale është një nga drejtimet, ku shkenca po përparon me ritme shumë të shpejta në ditët e sotme. Zhvillimi i kësaj disipline po sjell sisteme bashkëbisedimi, si ChatGPT, që komunikojnë me ne sikur të ishin njerëz dhe që japin përgjigje apo zgjidhje po aq të sakta e të vlefshme, sa edhe ekspertët e radiologjisë, financës, sigurisë...
Dy subjekte romanesh në një... dhe një fill i ngrënë prej kohërave, që i mban të lidhur së bashku...“me një shkëlqim humnerash”...