Pax 1 - Skeptri i nemave

Në qytetin e vogël suedez Mariefreda nisin të ndodhin gjëra të çuditshme. Forca të liga përpiqen të pushtojnë bibliotekën magjike, sekreti i së cilës është ruajtur me qindra vjet. Rojtarët Estrida dhe Magnari ia kanë kushtuar gjithë jetën bibliotekës, por ndërsa ata plaken, edhe mbrojtja e bibilitekës dobësohet.

Vëllezërit Alriku dhe Vigoja vijnë në Marifreda si fëmijë të marrë në përkujdesje, sepse e ëma e tyre ka probleme me alkoolin dhe nuk mund të kujdeset për ta. Vëllezerit duket se janë të përzgjedhurit që do të ndihmojnë në mbrojtjen e bibliotekës kundër forcave të liga që duan ta pushtojnë. Alrikut dhe Vigos u duhet të përdorin forcë dhe dinakëri për t’i mundur gjitha krijesat e mbinatyrshme që zgjohen nga gjumi në qytetin e tyre.

Në shkollë kanë një bandë djemsh që nuk i lë të qetë. Kanë edhe një mama për të cilën i merr malli, por që nuk ia kanë besën. Dhe u duhet edhe të luftojnë me vetveten, me atë tërbimin që u shpërthen në krye, apo dorën që zgjatet dhe vjedh pa u menduar. Koha pulson dhe terri po vjen. Tashti fillon gjithçka!