Bisedat e Konfucit

Sjellja e duhur mbështetet në besimin te vetja dhe te të tjerët, në thjeshtësinë, njerëzoren, ndershmërinë, përshtatshmërinë, në diturinë dhe në të vërtetën. Ajo është themeli i familjes dhe i shtetit. Edhe sot, bisedat e Konfucit vlerësohen si udhëzues vetedukimi. Libri "Bisedat e Konfucit" është i formësuar në pjesë përbërëse të quajtura libra, që trajtojnë tema të ndryshme, si për shembull: Libri III - trajton kryesisht ritet dhe ceremonitë, të cilat ushtrohen nga qeveria... Libri V - përmban kryesisht shënime të hollësishme të Kungut për njerëzit e rrethit të tij dhe nga historia. Libri X - dallohet nga të gjithë të mëparshmit sepse mjeshtri tregon për jetën e tij private. "Bisedat e Konfucit" kanë ushtruar ndikimin më të madh në formimin e elitës së Azisë tradicionale. Ndonëse ato nga ana e formës dhe përmbajtjes janë tepër heterogjene, kanë një drejtim të ndërvarur për çdo lexues të veçantë. Teksti vërtitet në shumë vende rreth idealit të njerëzimit, rreth të moralshmes, trajtimit ceremonial dhe rreth synimit për edukimin e shpirtit, gjithsesi pa e përcaktuar saktë këtë pikë. Bisedat e Konfucit lexohen edhe në Perëndim kryesisht si një manual për edukimin. Mjeshtri në fakt nuk ka shkruar libra. Ndikimi i tij ushtrohet shumë më tepër sipas një perceptimi tradicional në veprimtarinë e gjerë intelektuale.