Menu
> >>>Portret grupi me nje zonje
Portret grupi me nje zonje Shiko më të madhe

Portret grupi me nje zonje

Heinrich Böll PE0012

Libër i ri

Përshkrim i shkurtër

Një rrëfimi koral i historisë së Gjermanisë, nëpërmjet figurës qendrore të një gruaje, që nga mbarimi i luftës së parë botërore deri në vitet ’60-të, ku kapitalizmi, konsumizmi, racizmi dhe diskriminimi fshihen nën petkun e demokracisë

Më shumë detaje

10 Artikuj

Detaje të librit

Shtëpia Botuese

PEGI
ISBN978 9928 175 82 3

1 000 Lekë

Si të blej?

Shto në listën e librave që dua

Porosit me një klik

Share

30 libra të tjerë nga e njëjta kategori:

Më tepër

Informacion i përgjithshëm rreth librit

Heinrich Boll besonte se një shkrimtar duhej të vepronte si ndërgjegjja e kombit të vet dhe kurrë nuk hoqi dorë nga zhbirimi i çështjeve më të ndjeshme në psikikën dhe kujtesën kolektive – sidomos lindja e nazizmit në vitet ‘30-të. Në këtë roman, ai shkon deri në vitet ‘60-të, kur Gjermania arriti kulmin e boom-it ekonomik; ai thekson se shpirti dhe dëshira për t’u pasuruar në periudhën e boom-it të pasluftës dhe zgjerimi grabitqar kapitalist është po ai që ka shtyrë dhe ngritur shpirtin e nazizmit.

Personazhi kryesor, Leni Gruiten Pfajfer, është një grua e bukur dhe e ndjeshme, por e paaftë të kuptojë gjithçka që është abstrakte, kompromis apo retorikë boshe. Në pjesën më të madhe të romanit, ajo është një protagoniste jo e drejtpërdrejt, por gjithë karakteristikat dhe veprimet e saj paraqiten nga një grup i madh personazhesh të tjerë, dëshmitarë të jetës së saj, të jetës së tyre, por edhe të epokës që përjetojnë. Krejtësisht naive dhe pa kuptuar nazizmin e racizmin, Leni dashurohet me një të burgosur rus, Lev Koltovskin, me të cilin do të ketë edhe një fëmijë. Fundi i luftës së dytë botërore, do ta gjejë Lenin të vetmuar; fillimi i boom-it ekonomik, si për ironi të fatit, në prag të rrënimit dhe të daljes nga shtëpia, të cilën e ka kthyer në një strehë për emigrantë të varfër. Do të jenë po këta emigrantë, punëtorë të pastrimit të qytetit, “plehraxhinjtë” që ajo i kupton vetëm si qenie njerëzore, pa njohur asnjëlloj diskriminimi, që do ta ndihmojnë në ditët e vështira të kapitalizmit modern.

Me një ironi dhe sarkazëm si rrallëkush, Boll-i përdor teknikën e një parodie, ndjek një strukturë pseudodokumentare, ku nuk ngurron të fusë dokumente heterogjene, origjinale ose të rreme, deri edhe zërat e fjalorit, raporte burokratike, artikuj gazetash, kapituj të një manuali ushtarak nazist, letra zyrtare.

I botuar më 1971, i nderuar me çmimin Nobel më 1972, u bë bestseller ndërkombëtar për një kohë fare të shkurtër duke përçuar në gjithë botën jo vetëm rrëfimin e një lufte të tmerrshme parë kësaj radhe me sytë e një gjermani, por falsitetin e shoqërisë konsumeriste, kapitalizmin e egër, që shfaqet si demokraci.

 

Të dhëna

Faqe422
ISBN978 9928 175 82 3
Titulli origjinalPegi
Viti i Botimit2015
VendodhjaTirane
PërkthyesiAfrim Koçi

Libra të rinj Shiko më shumë >>

Libra të tjerë të autorit