Bore perveluese

Shoqja e ngushtë e Marlës, Eli, është larguar nga Anglia dy vjet më parë në kërkim të vetvetes në një udhëtim përmes Amerikës së Jugut. Përveç disa kartolinave, Marla nuk ka marrë më vesh asgjë nga ajo. Një ditë Marla merr një letër të çuditshme nga Eli, ku ajo i kërkon asaj të shkojë në Nju Jork. Personi që Marla takon në aeroport është një grua shumë ndryshe nga shoqja e saj e fortë, e shpenguar që mban mend. Eli, tani e veshur me rroba të shtrenjta, e dobët, ka marrë një apartament me pamje nga parku, një shtëpi në Hamptous dhe një të dashur tërheqës, manipulues, kontrabandist kokaine të quajtur Leni. Ndërsa Marla mundohet ta shpëtojë shoqen e saj nga varësia e dyfishtë e dashurisë dhe e kokainës, ajo zbulon një histori joshjeje e fuqie në Kolumbi dhe dëshire e tradhtie në Kaliforni. E zënë në një rrjetë zhgënjimesh e kërcënimi të dhunës rreth tyre, Marla vendos ta sfidojë Lenin dhe perandorinë e tij. Por Leni, ashtu si në tregtinë e drogës, nuk ka asnjë qëllim të heqë dorë nga Eli.