Menu
> >>>Aventurat e Sherlok Holms – I
Aventurat e Shelok Holms – I Shiko më të madhe
Prapa Para

Aventurat e Sherlok Holms – I

Artur Konan Dojl LG0026

Libër i ri

Përshkrim i shkurtër

Nuk ka një libër të dytë që të jetë marrë më shumë seriozisht personazhi sesa autori. Në kohën që nisi jetësimi i dedektivit nga shkrimtari britanik Artur Konan Dojl pati një sjellje të pazakontë të lexuesve, të cilët e mendonin person real dhe i dërgonin autorit me mijëra letra. E gjithë aventura e tij përmblidhet në katër romane të cilat kanë 60 tregime, dhe në këtë vëllim jepen 26 tregimet e para.

Më shumë detaje

479 Artikuj

Detaje të librit

Shtëpia Botuese

Argeta LMG
ISBN9789928192271

1 500 Lekë

Si të blej?

Shto në listën e librave që dua

Porosit me një klik

Share

30 libra të tjerë nga e njëjta kategori:

Libra të tjerë të serisë

Më tepër

Rreth librit

Në 1886 autori botoi romanin e parë ku debutoi detektivi ekscentrik Sherlok Holmes: "Etyd në tone të purpurta", i pasuar nga "Shenja e të katërtëve" në 1890. Asnjë nga romanet nuk pati aq sukses, sa ta nxirrte shkrimtarin nga gjendja e vështirë ekonomike, megjithatë Dojl tentoi përsëri në 1891, duke botuar në revistën Strand një aventurë të re të Holmsit me titull "Një skandal në Bohemi". Shitjet kaluan çdo parashikim dhe më në fund Dojl pati mundësinë t'i përkushtohej tërësisht letërsisë, duke hequr dorë nga karriera mjekësore. Fytyra e zbehtë dhe e hequr e detektivit londinez, figura e gjatë dhe hollake, pak e kërrusur, me xhamin zmadhues në dorë dhe llullën ndër buzë, u bë qendra e jetës londineze.

Dojl kriijoi një personazh-mister, një lojë copëzash karakteri, një rrëmujë tërheqëse vesesh e virtytesh të spërkatur me detaje të pafundme, por të pamjaftueshme. Për Sherlok Holmsin, autori na tregon shumë: thotë se ku jetonte, me se merrej, cilat ishin klubet e tij të preferuara, dimë çfarë llulle përdorte, çfarë kaçeleje mbante; madje, dhe çfarë mund të gjeje në dhomën e tij kaotike. Vogëlsira domethënëse për karakterin e tij të jashtëzakonshëm.

Artur Konan Dojl bëri një punë aq të përkryer me veprat e tij, sa u pendua. Trillimi i fantazisë u bë armiku i karrierës së tij letrare. Banoret e Londrës, jo vetëm mendonin se në Baker Street jetonte vërtet një detektiv privat, që zgjidhte misteret e përditshme të jetës viktoriane, duke i kushtuar të njëjtën rëndësi dhe çështjeve shtetërore, por i drejtoheshin çdo ditë autorit të tij me letra ku i kërkonin ndihmë me pyetje dhe mistere të ndryshme që i mundonin. "Kulmi arriti, kur më vinin të paktën një duzine letrash në ditë, që nisnin me `I dashur Z. Sherlok Holms...'."

Dojl e kuptoi se fama e personazhit ia kishte kaluar vetë autorit, se nga " A.K. Dojl" ishte kthyer në "autorin e Sherlok Holms" dhe ndjente se krijimi i tij po bëhej një hendek në karrierën si shkrimtar serioz. Kështu vendosi ta vrasë.

“Sherlok Holms është dhe do të mbetet përjetë një pikë e patundur në një botë përherë në lëvizje. Është simboli i gjithçkaje që nuk jemi dot, por do të donim të ishim. E shohim si mishërimin e dëshirës sonë për të dënuar të keqen dhe për të ndrequr padrejtësitë që kanë pllakosur botën. Ai është Prometeu që sjell zjarrin e aventurës në ekzistencat tona përsëritëse, është Sokrati, që me arsyetimet e tij të qarta, çmpin mendjet e ndryshkura nën lagështinë e mërzisë. Është suksesi i dështimeve tona, arratisja nga burgu i botës reale. Para një shekulli ai u shfaq para publikut anglez si një pishtar i forcës të së mirës në një kohë, kur Evropa, e madje e gjithë bota, ndjenin në ajër rrezikun e Luftës së Popujve që afronte. Figura e drejtësisë së palëkundur, e inteligjencës, gatishmërisë, vetëmohimit, arsyes së ftohtë dhe gjykimit të drejtë të përvijuar lehtazi nga një fije ndjenjash njerëzore: dhembshurie e madje dashurie, ishte pamja që i dha një kombi të tërë shpresën dhe forcën për t'u përballur me luftën më të madhe që kish njohur deri më atëherë historia botërore. E duke njohur natyrën njerëzore, e dimë se botës do t'i duhen gjithnjë idhuj të tillë. Në kohë të vështira, ku sprovohet arsyeja dhe domethënia e drejtësisë, do të kemi gjithmonë nevojë për siluetën e detektivit pranë zjarrit, me majat e gishtave bashkuar para kraharorit e fjollat e tymit të Ilullës që treten në pafundësi. Megjithatë, si çdo histori e bukur, dhe e Sherlok Holmsit e pati një fund, sepse një artist i vërtetë, e kupton kur është koha për t'u tërhequr nga skena e për t'i lënë vendin dikujt ndoshta më të zotë.

Ky vëllim përmban këto tregime:

Roman: Etyd në tone të purpurta 9

Pjesa e parë. Nga kujtimet e doktor Xhon H. Uatsonit

Kreu I. Zoti Sherlok Holmes 11

Kreu II. Shkenca e deduksionit 20

Kreu III. E fshehta në Loriston Garden 31

Kreu IV. Çfarë na rrëfeu Xhon Rensi 43

Kreu V. Lajmërimi ynë sjell një vizitor 51

Kreu Vl. Tobias Gregsoni tregon çfarë mund të bëjë 58

Kreu VII. Dritë në errësirë 68

Pjesa e dytë. Vendi i Shenjtorëve

Kreu I. Në shkretëtirën e pamatë kripore 79

Kreu II. Lulja e Utahut 90

Kreu III. Xhon Ferieri bisedon me profetin 98

Kreu IV. Arratisja 104

Kreu V. Engjëjt hakmarrës 114

Kreu VI. Një vazhdim nga shënimet e doktor Uatsonit 124

Kreu VII. Përfundimi 136

Tregimet nga seria: Aventurat e Sherlok Holmsit 143

I. Një skandal në Bohemi 145

II. Lidhja e flokëkuqve 175

III. Përcaktimi i identitetit 204

IV. E fshehta e luginës së Boskombit 225

V. Pesë bërthamat e portokallit 255

Vl. Njeriu me buzën e përdredhur 277

VII. Karbunkëli i kaltër 307

VIII. Shiriti pikalosh 331

IX. Gishti i madh i inxhenierit 361

X. Beqari fisnik 386

Xl. Kurora me smeraldë berili 412

XII. Ahishtja e kuqëremtë 441

Për më shumë rreth autorit dhe historisë së plotë të veprës “Aventurat e Sherlok Holmsit, kliko KËTU

Të dhëna

Faqe470
ISBN9789928192271
Viti i Botimit2016
VendodhjaTirane
GjuhaShqip
Tipi i publikimitLibër
StatusiI ri
Numri i botimeveI parë
PërkthyesiAleksandër Koli
RomanMister&Thriller

Libra të rinj Shiko më shumë >>

Libra të tjerë të autorit