Çasti Ynë Aspak i Përsosur

Jeta nuk shkon kurrë sipas planeve dhe Alesandra e zbulon këtë në mënyrën më të keqe të mundshme. Mendon se ka gjithçka nën kontroll: punën si profesoreshë fizike në universitet, një familje me probleme, po të pranishme, një burrë të qëndrueshëm në krah, një ekzistencë pa shkundje të mëdha, që, pasi ka kapërcyer pragun e të dyzetave, i dhuron një stabilitet të dëshiruar prej kohësh. Një stabilitet që beson se e meriton, derisa kështjella prej letre rrëzohet nga një shkulm ere i papritur. Një shkulm ere që futet duke shpartalluar dritaren dhe bën lëmsh gjithçka, bën copë e thërrime lidhjen e saj të dashurisë dhe një pjesë të mirë të sigurive të saj si grua, bashkë me besimin, vetëvlerësimin dhe idenë iluzore se e njihte tjetrin.

Po pikërisht mes detajeve të stonuara të jetës, duket se ndodh ajo që s’ta pret mendja, sepse, shpeshherë, lumturia qëndron në magjinë e një çasti të papërsosur.