Eja ta lexojme bashke nje vjershe

Në antologjinë “Eja ta lexojmë bashkë një vjershë” prof.as.dr. Astrit Bishqemi ka zgjedhur vjersha nga autorë të ndryshëm, jo vetëm brenda kufijve shtetërorë, po edhe të autorëve nga Kosova etj., krijimtaria e të cilëve është pronë e pjesë e pandashme e letërsisë shqipe për fëmijë dhe e programit mësimor të arsimit 9-vjeçar.

Për secilën poezi është bërë një koment i shkurtër. Komentet u drejtohen në radhë të parë lexuesve të vegjël. Kësisoj i jemi larguar orës së mësimit, ecurisë metodike strikte, të pastër e të njëjtë, që shpesh i bën monotone e aspak interesante orët e mësimit. Shpresojmë që me këtë botim t'u ndihmojmë sadopak fëmijëve për t'ua shtuar dashurinë ndaj poezisë. Gjithashtu, edhe mësuesve në punën e tyre...