Menu
> >>>Hana
Hana Shiko më të madhe

Hana

Elvira Dones BD0334

Libër i ri

Përshkrim i shkurtër

Ngjarjet e romanit Hana të Elvira Dones duket sikur nuk shkojnë përtej asaj çka mund ta quajmë historia e një burrneshe një procesi të dyfishtë transformimi të një qenieje njerëzore diku në Malësinë e Veriut.

Më shumë detaje

Ky libër nuk është më në stok

Detaje të librit

Shtëpia Botuese

Dudaj
ISBN9789994302291

800 Lekë

Si të blej?

Shto në listën e librave që dua

Porosit me një klik

Share

30 libra të tjerë nga e njëjta kategori:

Më tepër

Ngjarjet e romanit Hana të Elvira Dones duket sikur nuk shkojnë përtej asaj çka mund ta quajmë historia e një burrneshe një procesi të dyfishtë transformimi të një qenieje njerëzore diku në Malësinë e Veriut: nga femër në mashkull dhe, më pas, nga mashkull sërish në femër; një proces që nuk është thjesht kozmetikë, por rindërtimi së brendshmi e së jashtmi, pra fizik e shpirtëror, i një femre që andrallat e një jete të ashpër, por edhe ligjet e rrepta të një zakoni çnjerëzor, e shtrëngojnë të sfidojë natyrën, shoqërinë dhe, mbi të gjitha, vetveten. Romani i Donesit është edhe një metaforë e fatit të Shqipërisë, të cilën, afro pesëdhjetë vjet diktaturë, e shtrënguan të denatyrohet, të ndërrojë seks, zakone e mënyrë të jetuari, pra e tjetërsuan. Hana, alias Mark Doda, nuk është vetëm një qenie me seksualitet të ndrydhur, por një krijesë që ka humbur shpirtin. Në këtë rrugëtim, më fort shpirtëror e ndjesor sesa fizik të personazhit të saj, Dones ka ditur dhe ka mundur ti shpëtojë grackës së natyrshme të ngasjes për tu dhënë pas ekzotikës së figurës së alienizuar të femrës dhe dokeve të një vendi të braktisur e të harruar në një cep të qytetërimit perëndimor, por është përqendruar në zhbirimin e peizazheve të shpirtit dhe dramës njerëzore, duke shpërfillur efektet pikante, por gjithsesi sipërfaqësore që mund të argëtojnë lexuesin e dhënë pas botëve arkaike. Edhe pse fundi i romanit dhe mbyllja e tij me një fund të lumtur, pra rilindjen shpirtërore e fizike (seksuale) të Hanës nëpërmjet ngjizjes së një marrëdhënieje dashurore me Patrick-un, një gazetar amerikan, ngjan disi e beftë dhe e mbushur me ca pse që nuk marrin asnjëherë përgjigje shteruese e ngjajnë disi të pashtjelluara plotësisht. Me këtë roman, Dones eksploron dhe shpalos artistikisht botë që i kemi këqyrur nga larg si legjenda e gojëdhëna, apo si copëza lajmesh të kronikës në shtyp. Nëpërmjet sekuencave gati filmike të një realiteti të vrazhdë dhe anakronik, siç është ai i Shqipërisë së Veriut, të atrofizuar nga varfëria e tejskajshme dhe braktisja, të gjymtuar rëndë nga gjakmarrja, Elvira Dones na dëshmon se është një shkrimtare e prirur fuqimisht drejt temave të angazhuara si në rrafshin social ashtu edhe atë politik.

Të dhëna

Faqe224
ISBN9789994302291
Viti i Botimit2012
VendodhjaTirane
GjuhaShqip
Tipi i publikimitLibra
Numri i botimeveI parë

Libra të rinj Shiko më shumë >>

Libra të tjerë të autorit