Jeronim Stilton është seria e librave për fëmijë, e botuar nga Shtëpia Botuese Piemme në Milano, në Itali që nga viti 2000. Që nga viti 2004 ka nisur botimin edhe në gjuhën angleze. Ideja dhe realizimi i këtyre librave është bërë nga Elisabetta Dami. Këto libra janë për lexuesit e vegjël të moshës 6-12 vjeç.

Seria e librave deri më tani ka shitur mbi 130 milionë kopje në mbarë botën dhe është bërë një nga seritë më të shitura deri më tani.

Seria e librave flet për një miush që jeton në Ishullin e Miushit. Jeronim Stilton punon si gazetar dhe botues për një gazetë locale.

Ai ka një motër të vogël, Tea Stilton dhe një kushëri të quajtur Trap Stilton dhe nipin e vogël që e do shumë, Benjamin Stolton. Jeronimi është një miush nervoz që i pëlqen të bëjë një jetë të qetë por ai përfshihet në shumë aventura falë problemeve, ngatërresave dhe situatave që krijojnë personazhet e tjera: Tea, Trapi dhe Benjamini, dhe personazhe të tjerë.

Seria e librave deri më tani është shitur në 35 gjuhë të ndryshme të botës.