Legjenda dhe vende shqiptare

Në këtë botim të përgatitur nga Rita Petro dhe Dr. Tonin Çobani, në bashkëpunim me fotografin Feliks Bilani, na vjen historia e trevave shqiptare si mite, të fotografuara edhe në gjendjen reale të ditëve tona.

Legjendat kanë edhe bazën e tyre të vërtetë në krijimet popullore, prandaj nxënësit kanë mundësinë që të trashëgojnë këtë pasuri vendesh dhe trillesh, me vlera të jashtëzakonshme edukative.

Autorët, të konsultuar edhe me profesorët e fushave të historisë si Aleksandër Meksi , Menduh Nerguti, Sabina Veseli, etj. kanë sjellë legjendat për Tiranën, Durrësin, Beratin, Prespën, Lezhën, Lurën, Ulqinin, Rozafën, Prizrenin, Bjeshkët e Namuna, Krujën, Apoloninë, Vlorën, Gjirokastrën, Syrin e Kaltër dhe Butrintin.

Pikërisht në këto treva ka shkuar edhe fotografi Feliks Bilani i cili ka marrë pamjet e mrekullueshme të këtyre trevave legjendave. E djeshma dhe e sotmja shkrihen në këtë botim të rrallë, me kopertinë të trashë, i cili nxit fantazinë dhe atdhedashurinë e të vegjëlve për vendin e tyre.