Lustrum

Një orator, një sociopat, një oligark, një pasunar i pacipë që merr përsipër të flasë për drejtësi shoqërore, ndihmë për të varfrit dhe bukë falas në një qytet që po transformohet brenda natës nga pasuritë e pabesueshme të akumuluara në grabitjen e vendeve të tjera. Pasuria sjell babëzi, babëzia sjell epsh, epshi sjell gjithëfarëlloj krimesh.

Ndërsa trilogjia mbi jetën e Ciceronit, Imperium, Lustrum dhe Diktatori përkthehej në shqip, një prej lexuesve vriste mendjen nëse përkthimi i këtyre librave do të ishte një gjë e mirë apo një gjë e keqe për vendin. E keqe, në kuptimin që çdo politikan mund të mësojë hiletë e politikës më të pacipë dhe çdo idealist mund të zhgënjehet me fatin që patën të gjithë idealistët e asaj përplasjeje të pamëshirshme që ndodhi dy mijë vjet më parë mes politikës së fjalës dhe politikës së dhunës.