Menu
> Viktor Canosinaj

Viktor Canosinaj

Viktor Canosinaj lindi në maj të vitit 1960 në qytetin e Vlorës, ku banonte dhe familja e tij. Në vitin 1965 familja e tij transferohet në qytetin e Durrësit, ku shkrimtari kaloi fëmijërinë dhe rininë. Pasi kreu studimet e larta për gjuhë-letërsi shqipe në vitin 1984, Viktor Canosinaj punoi si mësues letërsie në shkollën e mesme të Shupenzës në rrethin e Dibrës deri në vitin 1990, me një shkëputje prej një viti, kur ndoqi kursin pasuniversitar për Kritikë Letrare. Pas një përvoje të shkurtër në kinostudio, ai fillon punë si gazetar dhe editor lajmesh, pjesën më të madhe të kohës në ATSH. Aktualisht punon redaktor gjuhësor pranë Parlamentit shqiptar.

Shkrimtari Viktor Canosinaj lindi në maj të vitit 1960 në qytetin e Vlorës, qyteti më i afërt me ishullin e Sazanit, ku banonte familja e tij dhe i ati shërbente që nga viti 1953 si oficer marine në Flotën Ushtarake Detare. Në vitin 1965 familja transferohet në qytetin e Durrësit, ku shkrimtari kaloi fëmijërinë dhe rininë e tij.


Pasi kreu studimet e larta për gjuhë-letërsi shqipe në vitin 1984 në qytetin e Shkodrës, Viktor Canosinaj punoi si mësues letërsie në shkollën e mesme të Shupenzës në rrethin e Dibrës deri në vitin 1990, me një shkëputje prej një viti, kur ndoqi kursin pasuniversitar për Kritikë Letrare. Pas një përvoje të shkurtër në Kinostudion “Shqipëria e Re”, ai fillon punë si gazetar, përkthyes dhe editor lajmesh, pjesën më të madhe të kohës në ATSH. Aktualisht punon redaktor gjuhësor pranë Parlamentit shqiptar.


Aktiviteti letrar


Viktor Canosinaj e nisi aktivitetin letrar në moshë të re, duke botuar vjersha e tregime e duke fituar në moshën 14-vjeçare çmimin e parë në një konkurs kombëtar letrar organizuar nga Radio Tirana. Libri i tij i parë, një novelë për fëmijë, u botua në vitin 1981. Në vitin 1984 u pasua nga një roman me temë historike po për fëmijë. Në vitin 1989 botohet romani i tij i parë për të rritur “Katër yje në qytet”, i cili fitoi çmim kombëtar.


Ka lëvruar kryesisht romanin për të rritur, por dhe për të rinj e fëmijë.


Ai ka botuar 12 romane romane për të rritur:


“Katër yje në qytet”, “Një copë tokë nën qiell”, “Vajza përtej murit”, “Mallkimi i grave”, “Pianistja belge”, “Vite blu”, “Hëna mbi kështjellë”, “Engjëjt nuk zbresin në tokë”, “Dashuri në ikje”, “Fronti kaloi mbi çatitë tona”, “I pafund ishte oqeani”, “Mall i kaltër”.


Më tej vijojnë rreth 20 libra për të rinj e fëmijë, shumë prej të cilëve, me në krye romanin “Meriyll”, vazhdojnë të qëndrojnë bestseller në treg:


“Nesër do të jetë ndryshe”, “Të gjithë tulipanët e botës”, “Një dashuri sa dy oqeane”, “Ëndërr amerikane”, “Ata kërkonin lumturinë”, “Në rrugë”, “Lamtumirë guaska ime”, “Princi Diellor”, “P4”, “Lulemaji”, “Monstrat e Rrugës së Mimozave”, “Bormal”, “Në kërkim të princeshës Ujëvarë”, “Ëndrrat e anijes me vela”, “Aventurat me ishullin lundrues”, “Zemra në pëllëmbë të dorës”.


Viktor Canosinaj ka fituar çmimin e Ministrisë së Kulturës për librin më të mirë për fëmijë e të rinj në vitet 1996 dhe 2002. Romani i tij “Meriyll” është renditur në Listën e Nderit të IBYY-t për vitin 2002. Pas një anketimi të kryer nga UNICEF-i, Lëvizja “Mjaft” dhe Shoqata e Botuesve Shqiptarë, në vitin 2006, Viktor Canosinaj u shpall shkrimtari më i lexuar për fëmijë e të rinj. Në vitin 2009 u shpall autori më i lexuar nga biblioteka komunale e Prishtinës.


Në vitin 2008 mori pjesë në Festivalin Ndërkombëtar të Librit në Berlin.


Romani “Mall i kaltër” është mbështetur mbi disa motive të jetës së piktorit të shquar italo-shqiptar Ibrahim Kodra. Ai prek moshen e tij të fëminisë dhe rinisë dhe atë të pjekurisë artistike. Rrëfimi në roman është i gershetuar në tre veta: veta e parë, tregon Kodra, veta e dytë, pjesa më e veçantë e rrëfimit, eshte piktori në moshe te pjekur që ndjek veten me imagjinatë; veta e tretë rrëfen autori. Nderkohë këto rrëfime alternohen me bisedën mes Kodres dhe nje diplomateje italiane, me të cileë ai po udhëton me avion për në Shqipërinë e vitit 1973, në kulmin e diktaturës komuniste.  



     

Lista e librave të autorit

Shfaq 1 - 22 nga 22 libra
Shfaq 1 - 22 nga 22 libra