Menu
> Spiro Mehilli

Spiro Mehilli

Spiro Vasil  Mëhilli është lindur  në Tiranë më 12 dhjetor të vitit 1939. Në vitin 1958 mbaroi Politeknikumin  Mjekësor. Nga korriku deri më 13 dhjetor të po atij viti, ushtroi profesionin e ndihmësmjekut në Lokalitetin e Baldushkut, duke pasur  në ngarkim 16 fshatra. Nga dhjetori i vitit   1958 deri në  qershor  të vitit 1959, ka qenë marinar në Shkollën e Instruksionit në Pashaliman. Nga korriku i po atij viti, deri në korrik të vitit 1961, ka qenë student për inxhinier radioelektronik në shkollën që mbante emrin e Aleksandër  Stepanoviç  Popovit, në qytetin e Petrodvorjecit (Petërgof), 29 km në veri  të Leningradit, tani Shën-Petërburg. Në vitin 1961, pasi u kthye në atdhe,  filloi Fakultetin e Mjekësisë, të cilin e mbaroi në vitin 1966. Karrjera e tij si mjek filloi dhe mbaroi në ushtri, prej të cilave, 3 vjet në Brigadën Xhenjere të Urahedhësve në Kavajë, si Shef i Shëndetësisë së brigadës dhe 3 vjet në Brigadën e  Tankeve në Sauk, po Shef Shëndetësie, dhe pjesën tjetër, në Institutin e Kërkimeve Mjekësore  Ushtarake, (Spitali i Përgjithshëm Ushtarak). Aty ka punuar në sektorin e Radio-Toksikologjisë deri sa doli  në pension.  Është kualifikuar në Budapest, në vitin 1993. Në vitin 1985  mori  titullin “Kandidat i Shkencave”; në vitin 1990, “Bashkëpunëtor i Vjetër Shkencor”, në vitin 1993 “Doktor i Shkencave” dhe në vitin 2016, Profesor ASS dr. Për 18 vjet ka qenë pedagog i jashtëm në Fakultetin e Mjekësisë, ku ka dhënë lëndën e Radiobiologjisë. Pёr disa vite ka kryer detyrën e  sekretarit të Buletinit të   Mjekёsisë   Ushtarake. Në karrierën e tij si mjek, ka botuar katër libra mjekësorë, dy prej të cilëve mbajnë emrin e tij: “Sëmundja e Rrezes”-  1981  dhe “Klinika, Paraklinika dhe Mjekimi i Sëmundjes së Rrezes” - 2003;  ndërsa dy të tjerët, me bashkëautorë. Ka botuar mbi 60 artikuj shkencorë si dhe ka përkthyer dy libra: “Interpretimi Klinik dhe Paraklinik i Analizave Kliniko Biokimike”, të autorëve Q. Koshçug dhe A. Levit;   dhe “Mjekët e Vietnamit në luftë”, të Gallkinit. Është anëtar i Lidhjes së Shkrimtarëve.  


Nga viti 1999 i është përkushtuar letërsisë. Ka botuar:


1 - Kur thinjet kujtesa, (Roman). - 2000.


2 - Lulja e Majit, (16 tregime). - 2001.


3 - Shtëpitë e Shpirtit, (Ese). -  2002. 


4 - Dritëhijet e një Perandorie, ose 305 Vjet Dinasti e Romanovëve.  (Roman). - 2005.


5 - Zjarret  e  Natës, (Roman). - 2007.


6 - Faqe të munguara - Tirana - Kinematë - Filmat. (Ese) - 2009.


7- Ismail Mal’Osmani - Njeriu i Librit  - 2010.


8- Idili i Thyer ( 7 Novela). - 2010.


9 - Një Natë me Balerinën Ruse (20 tregime). - 2011.


          10- Arti i Shtatë në Tiranë (ese). - 2011.


I1- Tirana (1920-1944). - 2012. 


12- Në ferrin e bardhë (roman).- 2013.


13- Varri i Ashikut (roman).-  2014.


I4- Tirana (1920-1944). - 2014. 


15- Cigania (25 tregime). - 2015.


16- Vallja e të vdekurve  (roman). - 2015.


17- Shqiptarët në Perandorinë Ruse. - 2015.


18- Maksim Gorki (biografi). 2016


19- Kamilo (tregime për fëmijë). - 2016.


20- Lenini, ideologu i së keqes. Tiranë, 2016.


21- Trocki.


22- Shtëpitë e Shpirtit (Ese). Ribotim i plotësuar -  2002. 


23- Aleksandër Sergejeviç Pushkin. Tiranë, 2017.


24 - Diktatorë dhe Aventurierë. Tiranë, 2018.


25 - Polonia - Viktimë e Luftës së Dytë Botërore. Tiranë, 2019.


26- Njolla e Turpit (Novela).-  Tiranë, 2020.


27 - Pushkini-Jeta dhe Veprat. Tiranë, 1920.


28- Çeçenia e Mosulit. Tiranë, 2020.


29- Fajtorë pa faj. Tiranë, 2021.


30. Zjarret e nates


31. Dritëhijet e një perandorie (305 vjet dinastia e Romanovëve)

Lista e librave të autorit

Shfaq 1 - 17 nga 17 libra
Shfaq 1 - 17 nga 17 libra