Dite per dite ditelindje

Sem Grini mezi, mezi, mezi, mezi, mezi, mezi, mezi, mezi, mezi, mezi, mezi, mezi, mezi, mezi mezi mezi, mezi pret ditëlindjen e tij të njëmbëdhjetë.

Vërtet.

Nuk i pritet. Në fakt, ai do me gjithë shpirt ta ketë ditëlindjen përditë.

Dhe është shumë ngazëlluese kur ditëlindja përsëritet vërtet prapë mëngjesin tjetër.

Dhe prapë.

E prapë.

Por ndonjëherë duhet të kesh kujdes kur shpreh dëshira...

Hapeni këtë libër si një dhuratë fantastike nga autori bestseller dhe fitues çmimi, David Baddiel: një aventurë dëfryese për lexuesit kudo ndodhen.

David Baddiel është shkrimtar dhe komedian. Novela e tij "Agjencia Prindërore" ka fituar çmimin përurues “E qeshura më e fortë” për librin për fëmijë nga 9 deri 13 vjeç.

"Ditë për ditë ditëlindje" është ilustruar nga super talenti i famshëm Jim Field, fitues i çmimit të humorit "Roald Dahl".

Ditëlindjes së Semit

Po i vinte fundi i pritshëm.

ATËHERË AI E PA.

Një Meteor!

Aq i madh, sa u duk sikur e copëtoi qiellin. Dukej i mahnitshëm, si kometë apo raketë a fishekzjarr. Ishte i mahnitshëm, i mrekullueshëm. Atëherë iu kujtua se ç'i kishte thënë mami.

Kur sheh një yll që bie, mund të shprehësh një dëshirë. Duhet ta shprehësh.

Ai tha me zë në drejtim të yllit:

"Dua që ta kem ditëlindjen ditë për ditë!"

Në atë çast, drita e yllit iu duk sikur u bë më e shndritshme –

ai flakëroi fort për një sekondë –

pastaj RA tatëpjetë qiellit...