Nikolle Filja dhe vepra e tij politike

Synimi ynë është të garantojmë një rindërtim sa më të sigurt të kontekstit ku u zhvillua hartimi i këtij dorëshkrimi, si edhe i teksteve të veçanta që e përbëjnë atë.

Botimi i parë i plotë i Kodikut të Kieutit pa dritën në vitin 1995. Arsyet që na nxitën asokohe të përgatitnim atë botim janë ende edhe sot po aq aktuale sa të përligjin këtë botim të ri.

Disa syresh janë ngushtësisht filologjike, ndërsa të tjerat kanë karakter historiko-kulturor: ndër të parat përmendim disa të dhëna të reja dokumentare që kërkojnë një vizion të ri ekdotik në mënyrë që të hidhet dritë në vendin që zënë këto tekste në historinë e shkrimeve shqipe të shek. XVIII..

I tillë është zbulimi i autografit Vajtim' i Zonjësë Shën Meri Virgjërë mbi Malt Kalvarie, një vepër që i përket zhanrit të lavdeve mesjetare dhe që plotëson njohjen e veprimtarisë poetike të Nikolle Filjes.