Menu
> Stefan Çapaliku

Stefan Çapaliku

Stefan Çapaliku është shkrimtar, studiues, dramaturg dhe artist shqiptar. Ka ka lindur në qytetin e Shkodrës më 10 mars 1965. Në  vitin 1988 u diplomua në degën Gjuhë dhe Letërsi Shqipe në Universitetin e Tiranës. Më pas ka ndjekur nga studime të mëtejshme në Itali, Çeki dhe Angli. Në vitin 1996 mori titullin Doktor i Shkencave Filologjike në Universitetin e Tiranës. Nga viti 1993 deri në vitin 1998 ka drejtuar Departamentin e Letërsisë në Universitetin e Shkodrës. Në periudhën tetor 1998-shkurt 2005 ka punuar pranë Ministrisë së Kulturës, Rinisë dhe Sporteve si drejtor i Drejtorisë së Kulturës së Shkruar dhe Komunikimit dhe njëkohësisht me përgjegjësinë e hartimit të politikave kulturore në fushën e botimeve, bibliotekave dhe arkivave.


Në vitet 2007-2008, ai u emërua si Profesor Titullar i Historisë së Letërsisë dhe Qytetërimit Shqiptar në Katedrën e Albanologjisë të Fakultetit Filologjik pranë Universitetit të Beogradit. Aktualisht ai punon si studiues pranë Akademisë së Studimeve Albanologjike dhe deri në vitin 2015 ishte profesor i Estetikës dhe Teorisë së Dramës pranë Fakultetit të Artit Skenik, në Universitetin e Arteve të Bukura, Tiranë, që prej vitit 2005. Veprat e tij janë shfaqur në disa festivale ndërkombëtare të teatrit, ku ai është nderuar me çmime kombëtare dhe ndërkombëtare. Pjesë nga veprat e tij në poezi, prozë, dramë dhe ese janë përkthyer në anglisht, gjermanisht, frëngjisht, italisht, rumanisht, polonisht, bullgarisht, serbisht, maqedonisht dhe turqisht. Ai është i nominuar për çmimin "Europa Prize of Theater for the New Theater Realities" (Çmimi Evropian për Teatrin e Ri). Si dramaturg u nderua me çmimin e autorit më të mirë shqiptar në vitet: 1995, 2003, 2007, 2012, 2016. Krahas studimeve në fushën e estetikës dhe publicistikës, ka shkruar edhe disa libra, të cilët janë vlerësuar: Secili çmendet simbas mënyrës së vet” është një triologji e suksesshme, e përfshirë edhe në listën e ngushtë të veprave në garë për çmimin vjetor të Ministrisë së Kulturës. “Tregimet e tranzicionit” është një tjetër përmbledhje e botuar së fundi. Po ashtu, janë edhe disa monografi të natyrës studimore për Serafin Fankun, Tef Palushin, Fisthën etj. Vepra e tij është botuar në disa gjuhë të huaja, si italisht, frëngjisht, anglisht, greqisht, serbisht, etj.

Lista e librave të autorit

Shfaq 1 - 13 nga 13 libra
Shfaq 1 - 13 nga 13 libra