Malcolm Gladwell

I renditur nga revista “Times” si një nga 100 personat më me ndikim në botë, Malcolm Gladwell është një gazetar kanadez, i cili punon në Nju Jork. Përveç faktit se është autor i katër librave bestseller, Gladwell është gjithashtu një spiker dhe ka qenë në punë si shkrimtar në stafin e The Neë Yorker që nga viti 1996. Librat e tij, Pika e kthesës: Sa pak gjëra bëjnë një ndryshim të madh (2000), Blink: Fuqia e të menduarit pa menduar (2005), Të jashtëzakonshmit: Historia e suksesit (2008), dhe Çfarë pa qeni: dhe adventures tjera (2009) janë shfaqur në listën e bestsellerëve të New York Times. Veprat e tij merren me hulumtime në fushat e psikologjisë, psikologjisë sociale dhe sociologjisë.

Malcolm Gladwell ka lindur në Fareham, Hampshire, në Angli më 3 shtator 1963. Babai i tij, Graham Gladwell, është një profesor i matematikës, ndërsa e ëma, Joyce, me origjinë nga Xhamajka, ka qenë me profesion psikoterapiste. Kur ishte gjashtë vjeç, Malcolmi u transferua në Elmira, në Ontario të Kanadasë së bashku me familjen e tij.


Në Kanada, babai i Malcolmit dha mësime për matematikë dhe inxhinieri në Universitetin e Waterloo ku Malcolm shkonte shpeshherë në zyrën e të atit, duke endur dhe duke eksploruar bibliotekën e cila ishte një burim nxitje i hershëm për leximin dhe pasionin për letërsinë. Gjatë viteve të shkollës së mesme, Malcolm ishte një atlet i jashtëzakonshëm në garat në distanca të mesme. Kur ishte 14 vjeç ai fitoi titullin e kampioninit në garat 1500 metër në Ontario, në vitin 1978.


Në vitin 1982, Malcolm u zhvendos në Qendrën Kombëtare të Gazetarisë në Uashington, DC. Dy vjet më vonë në vitin 1984, Malcolm u diplomua nga Kolegji Trinity i Universitetit të Torontos me një diplomë në histori.


Meqënëse notat e tij nuk ishin të larta, Gladwell vendosi të ndjekë karrierën në fushën e marketingut. Megjithatë, edhe këtu ai u përball me refuzimin dhe nuk u pranua në punë nga asnjë prej agjencive të marketingut ku aplikoi për punë. Ai u zhvendos në Indiana ku iu ofrua një pozicion në “The American Spectator”. Gjatë kësaj kohe, Gladëell gjithashtu filloi të shkruante për “Insight on the News”.


Deri në vitin 1987, emri i Gladwell filloi të shfaqej edhe në faqet e “The Washington Post” ku po mbulonte raportimet për biznesin dhe shkencën. Ai punoi në The Washington Post deri në vitin 1996 ku u zhvendos më pas tek revista The New Yorker.


Gladwell shkruante për modën dhe ishte i pasiuar për të trajtuar tema të veçanta. Puna e tij në The New Yorker u vlerësua nga lexuesit dhe ai u bë i njohur sidomos me dy artikujt e tij, “The Tipping Point” dhe “The Coolhunt”, të shkruara dhe të botuara në vitin 1996. Artikujt më vonë u bënë baza për librin e tij të parë, “Pika e kthesës”.


Nga shitjet e këtij libri Gladëell mori një shumë prej 1 milion dollarësh. Përveç njohjes dhe vlerësimit për veprat e tij, Gladwell gjithashtu është vlerësuar me çmime prestigjioze si Çmimi i parë i Shoqatës Sociologjike Amerikane për mjeshtri në raportimin e çështjeve sociale në vitin 2007; ka marrë një diplomë nderi nga Universiteti i Waterloos në vitin 2007 dhe një tjetër nga Universiteti i Torontos në 2011.


Aktualisht, Malcolm Gladwell vazhdon të shkruajë për The New Yorker.

Lista e librave të autorit

Shfaq 1 - 4 nga 4 libra
  • Shikim i shpejtë
    1 200 Lekë Në stok

    Te libri “Blink” Malcolm Gladwell revolucionarizon një mënyrë të re të të menduari dhe të vepruari, duke analizuar mënyrën sesi ta kuptojmë botën tonë të brendshme përmes njohjes në çastin e parë. Vetë autori ka folur rreth Blink në një intervistë të cilën e gjeni tek linku këtu

    1 200 Lekë
    Në stok
  • Shikim i shpejtë
    1 200 Lekë Nuk është në stok
    I ri

    Davidi dhe Goliati është një libër për atë që ndodh kur njerëzit e zakonshëm vihen përballë gjigantëve. Me "gjigantë" unë nënkuptoj kundërshtarët e fuqishëm të të gjitha Ilojeve, që nga ushtritë dhe luftëtarët e mëdhenj e deri tek paaftësitë, fati i keq dhe shtypja

    1 200 Lekë
    Shto në shportë Më shumë
    Nuk është në stok
  • Shikim i shpejtë
    1 200 Lekë Në stok

    Ky është një libër tej mase i vlefshëm për të kuptuar epidemitë sociale, dhe si i tillë vlen shumë për të gjithë ata që punojnë kryesisht në botën e marketingut, shitjeve, por edhe në politikë e më gjerë. Përmes shembujve praktikë që janë marrë nga shumë fusha analizohen me një mendjekthejlltësi këto histori aventurash intelektuale. Gjithmonë ka një...

    1 200 Lekë
    Në stok
  • Shikim i shpejtë
    700 Lekë Në stok

    Përse disa njerëz kanë më tepër sukses se të tjerët? Këto dhe shumë pyetje të tjera i gjeni tek: “Sekretet e suksesit” i cili shpjegon se ç’të përbashkëta kanë Beatles-at me Bill Gates-in, suksesin e jashtëzakonshëm të aziatikëve në matematikë, përparësitë e fshehura të yjeve të atletikës, përse avokatët më të mirë të Nju-Jorkut kanë të gjithë të njëjtën...

    700 Lekë
    Në stok
Shfaq 1 - 4 nga 4 libra