Menu
> Lazër Radi

Lazër Radi

Lazer Radi lindi në 29 janar 1916 në qytetin e Prizrenit. Pas përndjekjes që serbët i bënë anëtarëve të familjes së tij, ai erdhu në Shqipëri ku ndoqi shkollën e mesme në Shkodër. Botimet e tij të para u publikuan në gazetat si "Kombi", "Drita", "Diana". Ato zakonisht mbanin emrin e tij ose dhe pseudonimet si L. R., Lara, Lapredi, Ladi. Pas viteve 1940 botoi librin "Fashizmi dhe fryma shqiptare". Në vitin 1942 mori titullin Doktor Jurist.


Më 23 nëntor 1944 u arrestua nga partizanët. Gjykohet bashkë me intelektualë të tjerë në të ashtuquajturin Gjyqi Special ku u dënua me 30 vjet heqje lirie. Vuajti dënimin për rreth 10 vjet dhe pas daljes nga burgu nisi kalvarin e internimeve në kampe të ndryshme si Kuç, Shtyllas, Radostinë etj. Për një periudhë të gjatë kohe punoi si bujk, murator, marangoz etj. Në '82 etiketohet si "Intelektual borgjez dhe armik i popullit".


Pas shembjes së diktaturës publikoi artikuj të ndryshëm në gazetat e para të lira të vendit, botoi dhe përktheu. Ndër përkthimet e tij përmendim "Platoni, vepra", "Qytete fantazma" ndërkohë ndër veprat e tij përmendim studimin "I pari Gjyq Special në Shqipëri", vëllimin poetik "Anvaze të Sharrit" etj. Pjesa më e madhe e veprës së tij është hedhur në qarkullim nga shtëpia botuese “Jozef”.


Lazer Radi ndërroi jetë në 23 shtator 1998 në Tiranë.

Lista e librave të autorit

Shfaq 1 - 7 nga 7 libra
Shfaq 1 - 7 nga 7 libra